हलिउड अभिनेत्री पामेला एण्टडसनले पाँचौ पतिसँग सम्बन्धविच्छेद गरेकी छन् । पामेलाले पाँचौ पति डेनविरुद्ध अदालतमा निवेदन दिने निर्णय लिएकी छन् । उनीहरुले एक वर्षअघि विवाह गरेका थिए ।
समाचारअनुसार आपसी मतभेदपछि पामेलाले पतिबाट अलग्गिने निर्णय लिएकी हुन् । उनीहरुको सम्बन्धमा दरार आइसकेकाले सँगै बस्न नसक्ने जनाउँदै पामेला पाँचौं पतिलाईं छोड्ने तयारीमा पुगेकी छन् ।
पामेला र डेन अहिले सँगै छैनन् । उनीहरुको बाटो नै अलग भइसकेको छ । यो जोडीले गत वर्षको क्रिसमसको दिन विवाह गरेका थिए । जुन विवाहमा केही सीमित व्यक्तिको मात्र उपस्थिति थियो ।
केही महिना डेट गरेपछि पामेलाको हृदयमा डेन आएका थिए । त्यहीकारण पामेलाले पाँचौ पटक विवाह गर्ने निर्णय लिएकी थिइन् ।
डेन अभिनेत्री पामेलाको बडीगार्ड हुन् । लामो समयसम्म पामेलासँग सहकार्य गरेकाले उनीहरुबीच नजिकपन बढेको थियो ।
उनले यसअघि टमी ली, किड रक तथा रिक सालोमनसँग विवाह गरेकी थिइन्। रिक र पामेलाले दुईपटक बिहे गरेका थिए।
पामेला चर्चित टेलिभिजन रियालिटी शो ‘बिग बोस ४’को हिस्सा थिइन् । सलमान खानले होस्ट गर्ने यो शोमा पामेला केही समयको पाहुना थिइन् ।
