नेपालमा आज १० हजार २५८ जनामा कोरोना भाइरसको सङ्क्रमण पुष्टि भएको छ ।
नेपालमा कोरोना संक्रमण भित्रिएयता एकैदिनमा पुष्टि भएको आजको सङ्ख्या अहिलेसम्मकै धेरै हो । यसअघि २८ वैशाख २०७८ मा ९ हजार ४८३ जनामा संक्रमण पुष्टि भएको थियो ।
आज काठमाडौं जिल्लामा मात्रै ४ हजार भन्दा बढीमा सङ्क्रमण पुष्टि भएको छ ।
प्रदेशगत रुपमा हेर्दा प्रदेश १ मा १ हजार ७२ जना, प्रदेश २ (मधेश प्रदेश)मा २६५ जना, बागमती प्रदेशमा ६ हजार १६२ जना, गण्डकी प्रदेशमा ५१४ जना, लुम्बिनी प्रदेशमा ३७१ जना, कर्णाली प्रदेशमा ५३ जना र सुदूरपश्चिम प्रदेशमा २७३ जनामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार इलाममा १० जना, उदयपुरमा ९ जना, ओखलढुंगामा १३ जना, खोटाङमा १४ जना, झापामा १५९ जना, ताप्लेजुङमा ७ जना, तेह्रथुममा ५ जना, धनकुटामा १३ जना, पाँचथरमा ७ जना, भोजपुरमा ११ जना, मोरङमा ५०९ जना, सङ्खुवासभामा ५ जना, सुनसरीमा ३१० जना र सोलुखुम्बुमा ६ जनामा भाइरसको सङ्क्रमण देखिएको हो ।
प्रदेश २ (मधेश प्रदेश) को धनुषामा ८१ जना, पर्सामा ३१ जना, बारा र महोत्तरीमा २०/२० जना, रौतहटमा १५ जना, सप्तरी र सर्लाहीमा ३२/३२ जना र सिराहामा ३४ जनामा सङ्क्रमण देखिएको छ ।
बागमती प्रदेशको काठमाडौंमा ४ हजार ४ जना, काभ्रेपलान्चोकमा १२५ जना, चितवनमा १२० जना, दोलखामा २० जना, धादिङमा २९ जना, नुवाकोटमा ५५ जना, भक्तपुरमा ५७० जना, मकवानपुरमा १७६ जना, रसुवामा ४ जना, रामेछापमा २० जना, ललितपुरमा ९७५ जना, सिन्धुपाल्चोकमा २६ जना र सिन्धुलीमा ३८ जनामा सङ्क्रमण पुष्टि भएको छ ।
गण्डकी प्रदेशको कास्कीमा २८७ जना, गोर्खामा ३० जना, तनहुँमा ३३ जना, नवलपरासी पूर्वमा ७५ जना, पर्वतमा १३ जना, मुस्ताङमा १ जना, म्याग्दीमा ११ जना, लमजुङमा १४ जना, बागलुङमा २७ जना र स्याङ्जामा २३ जनामा सङ्क्रमण देखिएको छ ।
लुम्बिनी प्रदेशको अर्घाखाँचीमा १५ जना, कपिलवस्तुमा १० जना, गुल्मिमा २२ जना, दाङमा २८ जना, नवलपरासी पश्चिममा १२ जना, पाल्पामा २५ जना, प्यूठानमा ६ जना, बर्दियामा ९ जना, बाँकेमा ४१ जना, रुपन्देहीमा २१२ जना र रोल्पामा ५ जनामा सङ्क्रमण देखिएको छ ।
त्यस्तैगरी कर्णाली प्रदेशको कालिकोट जाजरकोट र हुम्लामा १/१ जना, जुम्लामा ४ जना, दैलेखमा ८ जना, मुगुमा ५ जना, रुकुम पश्चिममा ३ जना, सल्यानमा ५ जना र सुर्खेतमा २५ जनामा सङ्क्रमण देखिएको छ ।
सुदूरपश्चिम प्रदेशको अछाम र बाजुरमा २/२ जना, कन्चनपुरमा ५५ जना, कैलालीमा १८१ जना, डडेलधुरामा ६ जना, डोटीमा ४ जना, दार्चुलामा ५ जना, बझाङमा ४ जना र बैतडीमा १४ जनामा सङ्क्रमण पुष्टि भएको छ ।