बितेको २४ घण्टामा नेपालमा ६ हजार ७३४ सङ्क्रमित थप भएका छन् ।
स्वास्थ्य तथा जनसंख्या मन्त्रालयले सोमबार अपरान्ह सार्वजनिक गरेको विवरणअनुसार देशभरका प्रयोगशालामा १४ हजार १४ जनाको पिसिआर परीक्षण गर्दा ५ हजार ७४७ र ३ हजार ४५१ जनाको एण्टीजेन परीक्षण गर्दा ९८७ जनामा सङ्क्रमण देखिएको हो ।
यही अवधिमा ५४७ जना निको भएका छन् भने ३ जनाले ज्यान गुमाएका छन् ।
अहिले देशभर ३० हजार ८७७ जना सक्रिय सङ्क्रमित रहेको मन्त्रालयले जनाएको छ । पछिल्लो एक हप्ताको अवधिमा नेपालमा परीक्षण गरिएकामध्ये पोजेटिभ देखिएको सङ्ख्या बढ्न थालेको छ ।
आज कूल पिसिआर परीक्षण गरिएकामध्ये ४१ प्रतिशतमा सङ्क्रमित देखिएको हो हिजो ३६ दशमलव १ प्रतिशतमा सङ्क्रमण देखिएको थियो ।