सरकारले ५ देखि ११ वर्ष उमेर समूहका बालबालिकालाई पनि कोरोनाविरुद्धको खोप लगाउने निर्णय गरेको छ ।

मन्त्रिपरिषद्को शुक्रबारको बैठकले आगामी चैतमा उक्त उमेर समूहका बालबालिकालाई खोप लगाउने निर्णय गरेको हो ।

सरकारले उक्त उमेर समूहका बालबालिकाको यकिन आँकडा निकाल्न स्थानीय सरकारहरुलाई तत्काल आग्रह गर्ने निर्णय गरेको छ । अहिले सरकारले विद्यालय बन्द गरेर १२ देखि १८ वर्ष उमेर समूहलाई खोप लगाइरहेको छ ।

अग्रभागमा खटिने र ६० वर्षभन्दा माथिको उमेर समूहकालाई सरकारले बुस्टर डोज लगाउने तयारी गरिरहेको छ । पछिल्लो साता नेपालमा कोरोना संक्रमितको संख्या दैनिक रुपमा बढिरहेको छ ।

पुष २५ देखि ३० गतेसम्मको तथ्याङ्क केलाउने हो भने १६ हजार भन्दा बढीमा सङ्क्रमण पुष्टि भइसकेको छ जसमध्ये आधाभन्दा बढी काठमाडौं उपत्यकाभित्रका छन् ।

यो पनि पढ्नुहोस

---

पुष २५ यता १६ हजारभन्दा बढी सङ्क्रमित भेटिए, आधाभन्दा बढी काठमाडौँ उपत्यकामा

आइतबारदेखि नेपालमा कोरोना सङ्क्रमणको सङ्ख्या हजार नाघ्न थाल्यो । आइतबारदेखि आज...

शुक्रवार, पुस ३० २०७८