विद्यार्थीहरूबाट अतिरिक्त शुल्क लिएको भन्दै विगत केही दिनदेखि आन्दोलित मेडिकल कलेजका विद्यार्थीहरूले आज शिक्षामन्त्रीसामू ज्ञापनपत्र बुझाएका छन् ।
नोबेल मेडिकल कलेज र काठमाडौ मेडिकल कलेजमा देखिएको समस्याका बारेमा संयुक्त विद्यार्थी विद्यार्थी संगठनद्वारामाननीय शिक्षामन्त्री देवेन्द्र पौडेलसामू ध्यानाकर्षण पत्र बुझाएका हुन् । ।
उनीहरूले बुझाएको ध्यानाकर्षण पत्रमा चिकित्सा शिक्षा आयोगले तोकेको साढे चार लाख रुपैँया विद्यार्थीहरूबाट कलेज प्रशासनले गैरकानुनी रुपमा असुलेको आरोप लगाइएको छ ।
अतिरिक्त शुल्क नबुझाएका विद्यार्थीहरूलाई कलेज प्रवेश गर्न रोक लगाइएको भन्दै विगत केही दिनदेखि विराटनगरमा विद्यार्थीहरूले आन्दोलन गरिरहेका छन् ।
उनीहरूले आज मेडिकल कलेजल संचालक सुनील शर्मा पुतला बनाएर नगर परिक्रमा गरेका थिए ।
शिक्षाजस्तो अत्यावश्यक सेवा आफनो चंगलमा राख्ने र विद्यार्थीको अधिकार र भविष्यमा प्राप्त हुने सफलतामाथि अंकुश लगाउन खोज्ने नोबेल मेडिकल कलेजले गैरकानुनी क्रियाकलाप र गतिविधि सञ्चालन गरिरहेको सन्दर्भमा तत्काल छानबिन गरी आवश्यक कारबाही माग गरिएको छ ।