बितेको २४ घण्टामा नेपालमा ३ हजारमा भन्दा बढीमा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसंख्या मन्त्रालयको प्रवक्ता डा संगीता मिश्राका अनुसार आज देशभरका प्रयोगशालामा १ हजार ३६ जनाको नमूना परीक्षण गर्दा ३ हजार ७५ जनामा सङ्क्रमण पुष्टि भएको हो ।
वितेको २४ घण्टामा ९ हजार ५१ जनाको पिसिआर परीक्षणमा २ हजार ४४८ र ३ हजार ९८५ जनाको एण्टिजेन परीक्षणमा ६२७ गरी कूल ३ हजार ७५ जनामा सङ्क्रमण देखिएको हो ।
आज थप २ जनाको निधन भएको छ भने २७८ जना सङ्क्रमण मुक्त भएका छन् ।
अहिले सक्रिय सङ्क्रमितको सङ्ख्या ११ हजार ६९० रहेको छ । जसमध्ये १० हजार ८१० जना होम आइसोलेशनमा र ८८० जना संस्थागत आइसोलेशनमा रहेको प्रवक्ता मिश्राले जानकारी दिइन् ।
हिजो देशभर २ हजार ४४४ जनामा र सोमबार १ हजार ४४६ जनामा कोरोना देखिएको थियो । आज कूल पिसिआर परीक्षण गराएकामध्ये २७ प्रतिशत बढीमा सङ्क्रमण पुष्टि भएको हो । पहिलो र दोस्रो लहरमा पनि २० देखि २५ प्रतिशत रहेको सङ्क्रमण पुष्टि हुने दर अहिले त्योभन्दा माथि पुगेको छ ।