नेकपा एकीकृत समाजवादी पार्टीकी सचिव एवं सहरी विकास मन्त्री रामकुमार झाँक्रीले आफ्नो गृहजिल्लामा प्रहरी जम्मा ‘पिर्के सलामी’ खाएकी छिन् ।
आइतबार उनले गुल्मीको मदाने गाउँपालिका स्थित इलाका प्रहरी कार्यालय पुर्कोट दहलमा प्रहरीबाट ‘पिर्के सलामी’ खाएकी हुन् ।
विगतमा त्यही सलामीको बिरोध गर्दै झाँकीले अहिले भने आफूले पिर्के सलामी खाएपछि सामाजिक सञ्जालमा उनको व्यापक आलोचना हुन थालेको छ ।
पिर्कामा भए पनि उभिएर सलामी लिएका दृश्य सार्वजनिक भएपछि जनप्रतिनिधिको सलामी मोहलाई ‘पिर्के सलामी’ संज्ञा दिन थालिएको थियो।
यसअघि गण्डकी प्रदेशका तत्कालिन मुख्यमन्त्री पृथ्वीसुब्बा गुरुङ, कर्णाली प्रदेशका तत्कालिन मुख्यमन्त्री महेन्द्रबहादुर शाही, नेपाली कांग्रेसका नेता अर्जुननरसिंह केसी, प्रचण्ड पुत्री रेणु दाहाल मात्र होइन, विभिन्न मन्त्रीदेखि नगर प्रमुखसम्मले सलामी लिएका थिए।