दक्षिण भारतीय फिल्मकी चर्चित अभिनेत्री सामन्था । दुई महिना अगाडि उनी र नागा चैतन्यको सम्बन्धविच्छेद भएको थियो ।
अक्टोबर २ मा दुवैले सामाजिक सञ्जालमा यस्तै पोष्ट सेयर गरेर आफ्नो छुट्टिएको जानकारी दिएका थिए ।
डिभोर्सपछि पहिलोपटक अभिनेत्रीले आफ्नो टुटेको सम्बन्धबारे खुलेर कुरा गरेकी छिन् ।
उनले भनिन्, चैतन्यसँग डिभोर्स भएपछि मर्छु झैँ लागेको थियो ।
अभिनेत्रीले अगाडि भनिन्,;निकै कमजोर महसुस गरिरहेकी थिए तर जसरी आफुलाई सम्हाले त्यो निकै रोचक रह्यो ।
दम्पतीको सम्बन्धविच्छेदको प्रक्रिया अझै पुरा हुन समय लाग्ने बताइएको छ । सम्बन्धविच्छेदको खबर आएपछि अभिनेत्रीको गर्भपतन, एक्स्ट्रा मैरिटल अफेयर जस्ता समाचार मिडियामा आएका थिए ।
अभिनेत्रीले भनिन्, जब तपाई खराब समयबाट गुज्रनुहुन्छ, त्यसलाई बुझेर स्वीकार्नुपर्छ । यसले तपाईको आधा काम गर्नेछ। र जब हामी यसलाई स्वीकार गर्न सक्दैनौं तब हामी लड्छौं र यो लडाई कहिल्यै समाप्त हुँदैन ।
आफ्नो कुरालाई अगाडि बढाउँदै सामन्था भन्छिन्, मैले अब आफ्नो जीवन जिउनुपर्छ । मलाई थाहा छ, म सबै समस्याहरूसँग मेरो जीवन बिताउन जाँदैछु। म कति बलियो छु भन्ने थाहा पाउँदा म छक्क परें। म धेरै कमजोर छु भन्ने सोच्थेँ। सम्बन्ध टुटेर मर्छु भनेर सोच्थेँ । म त्यति बलियो हुन सक्छु भन्ने सोचेको थिइनँ।
