सोमबार दक्षिणी अफ्रिकी मुलुकबाट नेपाल आएका एक विदेशी नागरिकसहित एक नेपाली नागरिकको पीसीआर परीक्षण गराउँदा कोरोना भाइरसको नयाँ भेरियन्ट ‘ओमिक्रोन’ पुष्टि भएको थियो ।
तर, आज मंगलबार उनीहरुको पीसीआर परीक्षण गराउँदा रिपोर्ट नेगेटिभ आएको स्वास्थ्य तथा जनसंख्या मन्त्रालयले जनाएको छ ।
मंगलबार टेकु प्रयोगशालामा गरिएको जिन सिक्वेन्सिङमा दुवै जनाको ‘ओमिक्रोन’ संक्रमण नेगेटिभ देखिएको मन्त्रालयले जनाएको छ । यी दुईजनाबाहेक अन्यमा नेपालमा नयाँ भेरियन्टको सङ्क्रमण नदेखिएको मन्त्रालयले जनाएको छ ।
विदेशी नागरिकको सम्पर्कमा आएका ६६ जनाको परीक्षण गर्दा नतिजा नेगेटिभ आएको स्वास्थ्य मन्त्रालयका सह–प्रवक्ता समिरकुमार अधिकारीले बताए ।