श्रीमतीलाई कुटपिट गरी हत्या गरेको अभियोगमा दमकबाट एक पुरुष पक्राउ परेका छन् । दमक–१० का ४५ वर्षीय रामकुमार लिम्बूलाई पक्राउ गरिएको इलाका प्रहरी कार्यालय दमकले जनाएको छ ।
महिला अधिकारकर्मीहरूले महिला हिंसाविरुद्धको १६ दिने अभियान चलाइरहेकै बेला झापाको दमक नगरपालिकामा पतिको कुटपिटबाट पत्नीको मृत्यु भएको हो । दमक नगरपालिका–१० की ४९ वर्षीया घनादेवी आचार्यको पतिको कुटपिटबाट मृत्यु भएको इलाका प्रहरी कार्यालय दमकले जनाएको छ ।
दमक प्रहरी प्रवक्ता डिएसवी नवराज कार्कीका अनुसार ४५ वर्षीय रामकुमार लिम्बु कुटपिटबाट घनादेवीको मृत्यु भएको हो । मंसिर १६ गते राकमुमारले घनादेवीलाई कुटपिट गरेका थिए ।
पतिको कुटाइबाट गम्भीर घाइते भएकी घनादेवीलाई विराटनगरको नोबेल अस्पताल लगिएको थियो । तर अस्पताल पुगेको केही समयमै चिकित्सकले उपचार हुन नसक्ने भन्दै घर फर्काउन सल्लाह दिएका थिए ।
लिम्बूमाथि प्रहरी कार्यालयमा उजुरी परेपछि आवश्यक अनुसन्धानका लागि उनलाई नियन्त्रणमा लिइएको दमकका प्रहरी नायब उपरीक्षक नवराज कार्कीले बताए
