राष्ट्रिय प्रजातन्त्र पार्टी (राप्रपा) को नयाँ नेतृत्वका लागि भएको चुनावमा राजेन्द्र लिङ्देन विजयी भएका छन् । प्रतिस्पर्धी कमल थापालाई दुई सय मतले हराउँदै लिङ्देन विजयी भएका हुन् ।
लिङ्देनले १ हजार ८१७ मत पाएका छन् भने थापाले १ हजार ६१७ मत पाएको राप्रपा चिर्वाचन आयोगले जनाएको छ ।
पदाधिकारीमा भने थापा पक्षको वर्चस्व छ । यद्यपि राप्रपामा सात महमहामन्त्री, कोषाध्यक्ष, सहकोषाध्यक्ष लगायतका पद निर्वाचित अध्यक्षले मनोनीत गर्ने व्यवस्था छ। पार्टीको खुल्ला उपाध्यक्षमा विक्रम पाण्डे सर्वाधिक मत ल्याएर विजयी भएका छन् ।
पाण्डेले २ हजार ५२१ मत पाएको राप्रपाको निर्वाचन आयोगले जनाएको छ । यसैगरी कमल थापा प्यानलबाट उठेका बुद्धिमान तामाङ १ हजार ९४४ मत ल्याएर विजयी भएका छन् भने थापा प्यानलकै ध्रुवबहादुर प्रधान १ हजार ८ १४ मतसहित विजयी भएका छन् ।
दिलविकास राजभण्डारी, जगत गौचन, रामचन्द्र राय यादव उपाध्यक्षमा पराजित भए। उपाध्यमा पराजित दिलविकास राजभण्डारीले १ हजार १९४, रामचन्द्र राय यादवले ९६७, जगतप्रसाद गौचनले ८९० मत पाएका छन्।
यस्तै महिला उपाध्यक्षमा थापा समूहकै रोशन कार्की निर्वाचित भइन्। लिङ्देन समूहबाट उम्मेद्वारी दिएकी लीलादेवी श्रेष्ठ उपाध्यक्षमा पराजित भइन्। कार्कीले १ हजार ६८९ मत पाएकी छिन् । उपाध्यक्षमा पराजित लीलादेवी श्रेष्ठले १ हजार ५४ र दुर्गा श्रेष्ठले ८०५ मत पाए।
महामन्त्रीको प्रतिस्पर्धामा थापा पक्षकै भुवन पाठक १ हजार ८०५ मतसहित विजयी भएका छन् भने लिङ्देन पक्षका धवलशम्शेर राणाले २ हजार २२१ मतसहित विजयी भएका छन् ।
यस्तै, महिला महामन्त्रीतर्फ भने कमल थापा समूहकी कुन्ती शाही विजयी भएकी छिन् । रेखाले १६४० मत पाउँदा कुन्तीले २००८ मत पाइन।
आइतवार बिहान निर्वाचन समितिले सार्वजनिक गरेको सुची अनुसार सबैभन्दा बढी मत ल्याउने विभिन्न कलस्टरका उम्मेदवारको नामावलीः
अध्यक्षः राजेन्द्र लिङदेन– १८४४
खुल्ला उपाध्यक्षः विक्रम पाण्डे– २५२१
महिला उपाध्यक्ष: रोशन कार्की–१५८९
खुल्ला महामन्त्रीः धवल शमशेर राणा – २२२१
महिला महामन्त्रीः कुन्तिकुमारी शाही – २००८
आदिवासी जनजाति खुल्लाः आङनिमा शेर्पा –२०२५
मुस्लिम खुल्लाः मदिना खातुन – १७५४
महिला खुल्लाः कुन्तिदेवी पोखरेल – २०८०
मधेसी खुल्ला – १९५२
प्रवास खुल्ला– शशीकुमार सिल्वाल १५३१
उत्पीडित खुल्ला– मिना स्वर्णकार १४६३
कर्णाली तथा पिछडिएको क्षेत्र– कालिबहादुर शाही