कोभिड-१९ को नयाँ स्ट्रेन ओमिक्रोनको तेस्रो सङ्क्रमणको घटना स्पेनको बेलेरिक टापुमा पुष्टि भएको स्वास्थ्य अधिकारीहरूले बताएका छन्।
सन स्पेसेस विश्वविद्यालय अस्पतालको माइक्रोबायोलोजी प्रयोगशालाले आज विशेष पिसिआर परीक्षण मार्फत Omicron SARS-CoV-2 स्ट्रेनको सङ्क्रमण पुष्टि गरेको कुरा बेलेरिक टापु सरकारको स्वास्थ्य परिषद्ले विज्ञप्तिमा मार्फत् जनाएको छ।
यस अघि दुई केसहरू म्याड्रिडमा पुष्टि भएका थिए। तीनवटै सङ्क्रमण दक्षिण अफ्रिकाका यात्रुहरूमा पत्ता लागेको हो।
भारतको कर्नाटकमा भेटिए ‘ओमिक्रोन’ भेरिएन्टका २ संक्रमित
भारतमा कोरोना भाइरसको ओमिक्रोन भेरिएन्ट संक्रमित भेटिएको छ । भारतको स्वास्थ्य मन्त्रालयले बिहीबार कर्नाटकमा २ जनामा ओमिक्रोन संक्रमित भेटिएको जनाएको छ ।
मन्त्रालयले संक्रमितहरु ६६ वर्ष र ४६ वर्षका पुरुष भएको र उनीहरुको कन्ट्याक ट्रेसिङको काम पनि भएको र अन्यको स्वास्थ्य परीक्षण पनि गरिएको जनाएको छ ।
भारतको स्वास्थ्य मन्त्रालयका सचिव लव अग्रवालका अनुसार जेनाेम सिक्वेन्सिङद्वारा पत्ता लगाइएकाे हाे । संक्रमित दुवैमा कुनै गम्भिर लक्षणहरु नदेखिएकाे उनले बताए ।
सबैभन्दा पहिले नोभेम्बर २४ मा दक्षिण अफ्रिकामा याे भेरिएन्टको कोरोना पुष्टि भएको थियाे ।विश्व स्वास्थ्य संगठनले ओमिक्रोनलाई भेरिएन्ट अफ कन्सर्न भनेर घाेषणा गरिसकेकाे छ । भेरिएन्ट ठूलो संख्यामा उत्परिवर्तित भएकाे र तीव्र रूपमा फैलिने भन्दै सतर्क रहन संगठनले चेतावनी दिएको छ ।
नयाँ भेरिएन्ट भारतसहित २९ वटा देशमा फैलिसकेकाे छ । हालसम्म ३ सय ७३ जना संक्रमित भएका छन् । अमेरिका, क्यानडा, दक्षिण अफ्रिका, बोट्सवाना, जर्मनी, इजरायल, बेलायत, बेल्जियम आदि देशमा याे भेरिएन्ट देखा परिसकेकाे छ ।