काठमाडौंको तिलगंगाबाट रक्तचन्दनको तेल तस्कारी गरेको आरोपमा १० जनालाई प्रहरीले नियन्त्रणमा लिएको छ ।
महानगरीय अपराध महाशाखाको टोलीले तिलगंगा स्थित आँखा अस्पताल पछाडिबाट ३३ लिटर रक्तचन्दनको तेल प्रतिलिटर ५ लाख रुपैँयामा कारोबार गरिरहेको बेलामा पक्राउ गरेको हो ।
पक्राउ पर्नेहरुमा सिन्धुली हरिहरपुर गाउँपालिकाका ५० वर्षीय हेमकुमार श्रेष्ठ, मकवानपुर गढी गाउँपालिकाका ३९ वर्षीय मंगल सिंह, टोखा ३७ वर्षीय ईक्रम श्रेष्ठ, बनेपा नगरपालिकाका ३१ वर्षीय कार्साङ्ग लामा रहेका छन् ।
यस्तै खोटाङको हलेसीका २३ वर्षीय घनश्याम आले मगर र २० वर्षीय जीवन थापा, तिलगंगाका ५१ वर्षीय मदन पोडे, तनहुँ भानु नगरपालिका–६ का २५ वर्षीय सुदिप थडराई, काठमाडौंको छाउनीका ५३ वर्षीय अनिल चरण श्रेष्ठ र ५१ वर्षीय अनुप कुमार श्रेष्ठ रहेका छन् ।
रक्तचन्दन र यसबाट बनेका सामग्रीको ओसारपसार नेपालमा प्रतिबन्धित छ । पछिल्लो समय रक्तचन्दनको काठ नियन्त्रणमा प्रहरीको सक्रियता बढेपछि तस्करले यसबाट बनेका अन्य सामग्रीको कारोबार बढाएका छन् । पक्राउ परेकाहरूलाई आवश्यक कारवाहीको लागि बन डिभिजन कार्यालय,हात्तीसार काठमाण्डौ पठाईएको महानगरीय प्रहरी महाशाखाले जनाएको छ ।