मोरङको बूढीगङ्गामा रहेको आरती स्ट्रिप्सका जनसम्पर्क प्रमुख दिवस नेपालमाथि कुटपिट भएको छ । बुधबार (आज) बेलुका आरती स्ट्रिप्सका सञ्चालक सञ्जय सिङ्घल र निर्देशक एसपी बर्मासहित भारतीय मजदुरले उनीमाथि कुटपिट गरेका हुन् ।
सामान्य विवादका क्रममा सिङ्घलको आदेशमा उनीमाथि रड प्रहार भएको स्रोतले जनाएको छ । रड प्रहारबाट घाइते नेपाललाई हाल उपचारका लागि कोसी अस्पतालमा भर्ना गरिएको छ । सिङ्घलले यसअघि पनि ईन्द्रजित गर्ग, सञ्जीव शर्मा र नागेन्द्र सिंहलाई कुटपिट गरेर हटाइसकेको बताइन्छ ।
सिङ्घल र नेपालबीच आज साँझ विवाद भएको थियो । सामान्य विवादमा नेपालमाथि रड प्रहार भएको हो । स्रोतका अनुसार आरती स्ट्रिप्सका सञ्चालक सिङ्घल र निर्देशक बर्मालाई प्रहरीले सोधपुछका लागि नियन्त्रणमा लिएको छ । यस विषयमा प्रहरीलाई सम्पर्क गर्दा सम्पर्क हुन सकेन ।
आरती स्ट्रिप्सका भाइस प्रेसिडेन्ट विशाल गुप्ताले पेस्तोल देखाएर सञ्चालक सञ्जय सिङ्घल र निर्देशक एसपी बर्मासहित २ सय भारतीय मजदुरले उनीमाथि कुटपिट गरेको खुल्नमा आएको छ । नेपालको टाउको, छाती र ढाड लगायत शरिरको विभिन्न भागमा गम्भीर चोट लागेको छ ।