राष्ट्रिय खेलकुद परिषद् (राखेप) का पूर्वउपाध्यक्ष लामा टेन्डी शेर्पाको निधन भएको छ । बुधबार बिहान उनको ५० वर्षको उमेरमा विशालनगरस्थित ओरिगन केयर होममा निधन भएको हाो ।

नेपाल ओलम्पिक कमिटी (एनओसी) का अध्यक्ष जीवनराम श्रेष्ठका अनुसार शेर्पा पछिल्लो तीन वर्षदेखि अस्वस्थ्य थिए । उनी नशासम्बन्धी रोगले थला परेका थिए । अमेरिका, भारत र चीनमा समेत उपचार गराएका उनको तर विदेशमा उपचार सम्भव नभएपछि पछिल्लो दुई वर्षदेखि ओरिगन केयर होममा रहेर उपचार भइरहेको थियो ।

अमृत साइन्स क्याम्पसका पूर्वसभापति शेर्पा एनओसीका पूर्वमहासचिव, नेकपा एमाले निकट नेपाल खेलकुद महासङ्घका पूर्व महासचिव र नेपाल बास्केटबल सङ्घका पूर्वअध्यक्षसमेत थिए । नेपालमा बास्केटबल खेलको विकासका लागि शेर्पाको उल्लेख्य योगदान रहेको थियो ।