उत्तरी ग्रीसमा बस दुर्घटना हुँदा सात आप्रवासीको मृत्यु भएको छ । दुई नेपालीसहित ८ जना गम्भीर घाइते भएको अन्तराष्ट्रिय सञ्चारमाध्यमहरूले जनाएका छन् । उत्तरी ग्रीस र टर्कीको सीमा क्षेत्रमा उक्त बस दुर्घटना भएको समाचारमा उल्लेख छ ।
उनीहरु ग्रीसको थेसालोनिकीतर्फ गइरहेको थियो । नेपालीसहित १५ जना आप्रवासीहरु उक्त बसमा सवार थिए । युरोपेली मुलुक छिराउन मानव तस्करले उनीहरुलाई त्यहाँ पुर्याएको हुनसक्ने बताइएको छ । ज्यान गुमाएकाहरु कुन देशका नागरिक हुन भन्नेबारेमा थाहा हुन नसकेको बताइएको छ
तीव्र गतिका कारण नियन्त्रण गुमाउँदा बस दुर्घटना भएको हुनसक्ने स्थानीय प्रहरीले बताएको छ। घाइतेहरु पाकिस्तानी, अफगानी र नेपाली रहेका छन् ।
डेल्ली मेलमा प्रकाशित समाचार अनुसार घाइतेमध्ये ४ जना पाकिस्तानी १ जना अफगानी र २ जना नेपाली रहेका छन् । उनीहरूलाई नजिकैको अस्पतालमा उपचार भैरहेको छ ।
