नायिका वर्षा सिवाकोटी सामाजिक सञ्जालमा निकै सक्रिय छिन्। वर्षाले सामाजिक सञ्जालमा सार्वजनिक गर्ने तस्वीरले मिडियामा पनि चर्चा पाइरहेका छन् ।
केहि पहिलासम्म मिडियामा खासै नछाउने वर्षाले गसिप बजार बारे सायद बल्ल बुझेको हुनुपर्छ। उनी, अब फ्यानहरूसँग पनि जोडिन थालेकी छिन् र मिडियामा पनि छाउन थालेकी छिन् ।
सामाजिक सञ्जालमा उनले सुन्दर तस्वीरहरु शेयर गर्ने गर्छिन् । वर्षाको सुन्दरताको चर्चा चलिरहन्छ । पछिल्लो समय भने वर्षाले सामाजिक सञ्जालमा ग्ल्यामर तस्वीरहरु शेयर गर्न थालेकी छिन् ।
भदौको मध्यतिर नायिका वर्षा सिवाकोटीले साढे २ करोडमा हात्तीवनमा रहेको सिटी स्केप्टमा थ्रि बीएचके अपार्टमेन्ट खरिद गरेर चर्चामा आएकी थिइन् । सितापाइलामा संयुक्त परिवारमा रहँदै आएकी वर्षा विगत एक बर्षदेखि कौशलटारमा बस्दै आएकी थिइन् । अब भने आफू र ममी मात्र अपार्टमेन्टमा रहने उनले बताएकी थिइन् ।
चलचित्र ‘नाई नभन्नु ल २’बाट नेपाली चलचित्र क्षेत्रमा प्रवेश गरेकी वर्षाको करिअर सुखद तरिकाले अगाडि बढिरहेको छ । चलचित्र र म्यूजिक भिडियोमा उनको राम्रो क्रेज छ । मोरङमा जन्मिएर काठमाडौंमा नै हुर्किएकी वर्षा अहिले २८ बर्षकी भइन् ।
वर्षाको प्रेम सम्बन्धको चर्चा पनि मिडियामा खुबै हुन्छ । तर, वर्षा मिडियामा अड्कलबाजीको आधारमा समाचार आएको बताउँछिन् । भन्छिन्–‘मैले नभनेसम्म प्रेमको कुरा कसरी पुष्टी हुन्छ र ? अब, कोहीसँग बोल्दैमा र कोहीसँग गफ गर्दैमा प्रेम हो भनेर आउँछ भने त मैले के नै गर्न सक्छु र ?’
वर्षाले २ बर्ष भित्रमा बिहे गर्ने पनि बताइन् । आफूलाई २९ बर्षमा राम्रो योग रहेको भनेर ज्योतिषले भनेको भन्दै वर्षाले अब बिहे गर्ने योजना सुनाएकी छिन् ।
यतिबेला वर्षा दुबइमा आफ्नो प्रेमीको साथमा मस्ति गरिरहेकि छिन् ।
हेरौं उनले शेयर गरेका तस्विरहरु :