सप्तकोशी नदीमा हाम फालेर शनिबार एक व्यक्ति बेपत्ता भएका छन् ।
ब्यारेजमा को ३६ प ९२५५ नम्बरको मोटरसाइकल रोकेर नदीमा हाम फालेको जिल्ला प्रहरी कार्यालयका प्रहरी प्रवक्ता माधव प्रसाद काफ्लेले जानकारी दिए ।
नदीमा हामफाल्ने व्यक्ति सुनसरीको तिलक दाहाल रहेको र उनको खोजी भइरहेको प्रवक्ता काफ्लेको भनाइ छ।
यसअगाडि पनि सप्तकोसी नदीमा हाम फालेर धेरै व्यक्तिले ज्यान गुमाइसकेका छन् । यही असार र श्रावण महिनामा सुनसरीको कोसी ब्यारेजबाट नदीमा हामफालेर आत्महत्याको प्रयास गरेका ६ जनालाई प्रहरीले रोकेको थियो ।