अमेरिकी पूर्वविदेशमन्त्री कोलिन पावेलको कोभिडका कारण आइतबार निधन भएको समाचारसँगै विश्व तरंगित भयो– ‘कोभिडविरुद्ध खोप लगाएका व्यक्तिको मृत्युको अर्थ खोपको असफलता हो !’
अमेरिकी स्वास्थ्य निकायले मंगलबार प्रतिवाद गर्यो– ‘पावेलको निधनले खोपको अक्षमता पुष्टि गर्दैन ।’ ८४ वर्षको उमेरका पावललाई कोरोना भएकाले उनको मृत्युको ‘कारण’ मा प्रतिवाद गर्दै तर्क दिइएको छ– ‘कोरोना लेखिनु प्राविधिक पक्ष मात्र हो ।’
कोभिड संक्रमणको कारण पावेलको निधन भएको उनको पारिवारिक सूत्रले जनाएपछि कोरोना विरुद्धको खोप नलगाउने समूहले ‘हामीले त पहिला नै भनेका थियौं’ भनेर विजयीभाव प्रकट गरेका थिए ।
राजनीतिक क्षेत्रमा आउनुअघि पावेल उच्च पदस्थ सैनिक अधिकारी थिए । रिपब्लिकन जर्ज डब्ल्यू बुसको कार्यकालमा सन् २००१ मा उहाँ पहिलो अफ्र्रिकी–अमेरिकी विदेशमन्त्री बन्नुभएको थियो ।
पावेलको परिवारले जारी गरेको विज्ञप्तिमा भनिएको छ– ‘हामीले एक प्रिय पति, पिता, हजुरबुबा र एक महान् अमेरिकी नागरिक गुमाएका छौं । उहाँको उपचारमा संलग्न चिकित्सक टोलीलाई हामी धन्यवाद दिन चाहन्छौं ।’
