कैलालीको धनगढी उपमहानगरपालिका वडा नम्बर ७ का अन्दाजी २५ वर्षीय रमेश चौधरीको हत्या भएको छ।
घरदेखि करिब सात सय मिटर टाढा खुटिया नदीको छेउमा शव फेला परेपछि प्रहरीले गरेको अनुसन्धानमा उनको हत्या भएको खुलेको जिल्ला प्रहरी कार्यालय कैलालीका प्रहरी उपरीक्षक विश्व अधिकारीले जानकारी दिए।
शुक्रबार साँझ साथीको घर जाने भन्दै निस्किएका उनी आइतबार बिहान मृत अवस्थामा फेला परेका थिए। प्रारम्भिक अनुसन्धानमा उनको घाँटी थिचेर हत्या गरेको पाइएको प्रहरीले जनाएको छ।
हत्याको घटना अनुसन्धानका लागि मृतककी श्रीमती सहित चार जनालाई प्रहरीले पक्राउ गरिएको छ ।
रमेशको घाँटी थिचेर हत्या गरेको पाइएपछि हत्यामा संलग्न भएको आशंकामा रमेशकी श्रीमतीसहित चार जनालाई पक्राउ गरेको हो । तर, उनीहरूको नाम भने खुलाइएको छैन।