रुसमा कोरोनाभाइरस महामारीको शुरुवातपछि पहिलो पटक २४ घण्टामा १ हजार भन्दा बढीको मृत्यु भएको छ।
हिजो शुक्रबार एकै दिनमा कोरोनाबाट एक हजार २ जनाको मृत्यु भएको हो। यस्तै ३३ हजार २०८ जना नयाँ सङ्क्रमित थपिएका सरकारी अधिकारीले जानाएका छन्।
दैनिक ठूलो सङ्ख्या मानिसहरूको निधन भएपछि देशलाई महामारीबाट बचाउनको लागि पूर्ण रुपमा लकडाउन गरिनुपर्ने आवाज नागरिकस्तरबाट उठ्न थालेको अन्तराष्ट्रिय सञ्चारमाध्यमहरूले जनाएका छन् ।
रोयटर्सका अनुसार त्यहाँ अहिलेसम्म कूल जनसङ्ख्याको ३० प्रतिशतले मात्र कोरोनाविरुद्धको खोप लगाएका छन् । अहिलेसम्म २ लाख २२ हजार ३१५ जनाको निधन भएको तथ्याङ्क बाहिर आएतापनि कोरोना भाइरसको कारणले ४ लाख भन्दा बढी मानिसहरूको ज्यान गएको हुनसक्ने समाचारमा जनाइएको छ ।