पर्साको वीरगञ्ज महानगरपालिका २५ स्थित आइसिपी गेटमा ग्यास बुलेटमा १२० किलो लागुऔषध गाँजा फेला परेको छ ।
एलपी ग्यास बोक्ने एनएल०१के०७५४ नम्बरको भारतीय बुलेटमा बुधबार दिउँसो चार बजेतिर गाँजा फेला परेको हो ।
शंकास्पद अवस्थामा रोकिएको ग्यास बुलेटलाई जाँच गर्दा चालक बस्ने क्याबिनभित्र लुकाएर राखिएको १२० किलो गाँजा फेला परेको प्रहरी प्रवक्ता प्रह्लाद कार्कीले जानकारी दिए ।
ग्यास बुलेट र सो गाँजा नियन्त्रणमा लिई लागुऔषध सम्बन्धी कसूरमा अनुसन्धान अगाडि बढाइएको कार्कीले बताए ।
उक्त टयाङ्कर चालक तथा ट्याङ्करधनीको पहिचान गरी खोजतलास अगाडि बढाइएको प्रहरीले जनाएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
