अनिच्छित रौं (अनवान्टेड हेयर) पलाउने समस्या महिला वा युवतीमा मात्रै हुँदैन । यसबाट युवकहरु पनि पीडित भएको पाइन्छ ।
कतिपय महिला तथा किशोरीको अनुहारमा जुगाँको रेखा प्रष्टै देखिन्छ । यी रौं पुरुषको दाह्रि-जुगाँ जस्तो लामो नभएपनि महिलाको अनुहारमा यसरी अनावश्यक रौं पलाउनु अप्राक्रृतिक तथा अस्वभाविक देखिन्छ ।
धैरैजसो महिलाको शरीरमा असामान्य ठाँउहरुमा जस्तै अनुहारमा दाह्रि-जुँगा देखिनु, स्त नको निप्पल वरिपरी रौं पलाउनु, हातखुट्टामा अनावश्यक भुत्ला देखिनु । यस समस्याबाट पीडित महिला, युवतीहरु शारीरिक एवं मानसिक तथा सामाजिक रुपले पनि पीडित भइरहेका हुन्छन् ।
यसरी महिलाको अनुहारमा पुरुषको जस्तो दाह्रि-जुँगा (रौं) पलाउनुलाई चिकित्सकीय भाषामा (हर्सुटिज्म) भनिन्छ । यस किसिमको समस्याबाट प्राय: एसियाली र अफ्रिकी मुलुकका महिला एवं युवतीहरु बढी पीडित भएको देखिन्छन् ।
कतिपय ब्यक्तिलाई अनुहारमा झुस अर्थात अनावश्यक रौंले दुःख दिने गर्छ । तपाइँ पनि यस्तै रौंबाट पीडित हुनुहुन्छ भने तपाइँको लागि खुसीको खवर छ । हालै गरिएको एक शोधले शरीरमा हुने एक प्रकारको हर्मोनका कारण यस्तो हुने र त्यसको नियन्त्रण गर्न एक एन्जाइम प्रयोग गर्न सकिने पत्ता लगाएको हो ।
यूनिभर्सिटी अफ कोलम्बियाका बैज्ञानिकहरुले यस्तो एन्जाइमको खोजि गरेका छन् जसको सहयोगले झुस हटाउन मद्दत गर्छ ।
बैज्ञानिकहरुका अनुसार ग्रयाजाइम बी नामको उक्त एन्जाइममा रहेको तत्वले छालामा रहेको समस्या हटाउँछ यसले त्वचालाई जवान पनि राख्छ ।
शोधकर्ताहरुले २० हप्ता सम्म मुसामा परीक्षण गरेपछि ग्रयाजाइमलाई शरीरबाट हटाउने हो भने झुस हट्छ भने छाला पनि जवान रहन्छ ।
प्राकृतिक रुपमा रौं फाल्न के गर्ने त ?
एक चिया चम्चा दूधमा एक चम्चा बेसारलाई मिसाएर पेस्ट बनाउने र त्यसलाई रौं आएको ठाउँमा बिस्तारै-बिस्तारै दलेर आधी घन्टा जति छोड्दिने । त्यसपछि चिसो पानीले पखाल्ने । यसो गर्नाले लामो समय त्यस ठाउँमा रौं पलाउँदैन ।
यस्तै दुई चम्चा पानी र दुई चम्चा बेसार मिसाएर बनाएको पेस्टलाई बिस्तारै दल्नुपर्छ । करीब आधा घन्टा पछि बिस्तारै चिसो पानीले पखाल्नुपर्छ । यसबाट पनि राम्रो परिणाम देखिन्छ ।
अन्डाको सेतो भाग पनि दलेर अनावश्क रौंलाई हटाउन सकिन्छ । यसको लागि एक चम्चा अन्डाको सेतो भाग, एक चम्चा चिनी र एक चम्चा शुध्द गहूँको पिठो मिसाएर बनाएको पेस्टलाई लगाएर करीब आधा घन्टा छोड्दिने । त्यसपछि उक्काउने । यसो गर्नाले पनि लामो समयसम्म उक्त ठाउँमा रौं आउँदैन ।