निजी वायुसेवा कम्पनी गुण एअरलाइन्स ले नागरिक उड्डयन प्राधिकरणबाट जेट्स्ट्रीम जहाजको एओसि प्राप्त गरेको छ।
बेलायतमा निर्मित पाँच वटा जेट्स्ट्रीम जहाज यति एअरलाइन्ससँग खरिद गरेको गुण एअरलाइन्सले एओसि प्राप्त गरेसँगै ३० सिटको जेट्स्ट्रीम जहाजद्वारा आज बाट तुम्लिङटार, भरतपुर र पोखरामा पहिलो पटक आफ्नो नियमित उडान सुरु गरेको हो ।
आफ्ना दुई वटा अमेरिकी बिचक्राफ्ट र थप गरिएको बेलायती पाँच वटा जेट्स्ट्रीम सहित कुल सात वटा विमान बाट उडान थाल्ने क्रममा बिच एअरक्राफ्टद्वारा नियमित उडान भने असोज १ गते देखि नै सुरु गरेको थियो।
गुण एअरलाइन्सका प्रवक्ता एवम् बजार प्रमुख प्रज्वल थापा का अनुसार उडान को सुरुवातमा काठमाडौँ बाट पोखरा र भरतपुर (चितवन) र तुम्लिङटार को उडान सुरु भएको हो भने यसै साता देखिनै अन्य गन्तव्य सिमरा, भैरहवा, जनकपुर, नेपालगन्ज, सुर्खेत र विराटनगर को लागि उडान भर्नेगरि तयारी गरिएको छ।
नेपालीहरूको महान् चाड दशैलाई लक्षित गर्दै आफूहरू यात्रुहरू लाई सुरक्षित र भरपर्दो हवाई सेवा सुविधा दिन कुनै कसर बाकी नराख्ने थापाले बताए ।
कोभिड महामारीको बिच यात्रुहरूका लागि सेवा दिन तयार रहेको र वर्तमान हवाई भाडदारको चर्को प्रतिस्पर्धामा गुणस्तरीय हवाई सेवा दिन उनले बताए ।
गुण एअरलाइन्सले आन्तरिक विमानस्थलमा यात्रुहरूको लागि वातानुकूलित दुई वटा विद्युतीय बसको समेत सञ्चालन गरेको छ । आन्तरिक विमानस्थलमा पहिलो पटक विद्युतीय बस सञ्चालन गर्ने गुण एयरलाइन्स पहिलो निजी वायुसेवा कम्पनी समेत भएको छ ।