बलिउड अभिनेत्री कट्रिना कैफ र अभिनेता विक्की कौशलले छिट्टै विवाह गर्ने भएका छन्। भारतीय सञ्चार माध्यमका अनुसार कट्रिना र विक्कीले आफ्नो विवाहको तयारी सुरु गरिसकेका छन।
भारतीय सञ्चार माध्यम टाइम्स अफ इन्डियाका अनुसार कट्रिना र विक्कीको घरमा छिट्टै विवाहको बाजा बज्दैछ ।
टाइम्स अफ इन्डियाको रिपोर्ट अनुसार कट्रिना र विक्कीले आफ्नो विवाहको तयारी पनि सुरु गरिसकेका छन् । स्रोतले बताएको छ, ‘कट्रिना र विक्कीको विवाहको पहिरन चर्चित फेसन डिजाइनर सब्यासाचीले डिजाइन गरिरहेका छन् । उनी हाल पहिरनका लागि कपडा छानिरहेका छन् ।’
स्मरण रहोस्, विवाहको खबर सार्वजनिक हुनु केही समयअघि कट्रिना र विक्कीको ‘रोका सेरेमनी’ ले असाध्यै चर्चा बटुलेको थियो । रिपोर्टका अनुसार यी दुईले गोप्य रुपमा विवाह गरेका छन् ।
कट्रिना र विक्कीको विवाह नोभेम्बर या डिसेम्बरमा हुने भएको छ। विक्की र कट्रिना धेरैजसो सँगै देखिन्छन्। हालै यी दुईलाई विक्की कौशलको फिल्म सरदार उधमको स्क्रिनिङमा देखिएको थियो।
