नेपालमा आज धेरै दिनपछि निको हुनेभन्दा नयाँ सङ्क्रमितको सङ्ख्या बढी देखिएको छ ।
स्वास्थ्य तथा जनसंख्या मन्त्रालयका अनुसार विभिन्न जिल्लामा ११ हजार ७६५ जनाको नमूना परीक्षण गर्दा १ हजार ७९ जनामा सङ्क्रमण देखिएको छ । यही अवधिमा ९११ जना निको भएका छन् ।
आज थप १२ जनाको निधन भएसँगै कोरोनाबाट ज्यान गुमाउनेको सङ्ख्या ११ हजार १३५ पुगेको छ ।
अहिलेसम्म कूल सङ्क्रमितमध्ये ९६ दशमलव ३१ प्रतिशत अर्थात ७ लाख ६५ हजार ७५८ जना निको भइसकेका छन् ।
बिहीबारसम्म देशभर १८ हजार १६८ जना सक्रिय सङ्क्रमित रहेकामा गम्भिर अवस्थाका ३५३ जनालाई आइसीयू र ११७ जनालाई भेन्टिलेटरमा राखेर उपचार भैरहेको छ ।