नेकपा (माओवादी केन्द्र)का नेता वर्षमान पुन ‘अनन्त’लाई थप उपचारका लागि थाइल्याण्डको बैंकक जाने भएका छन् । उनी बुधबार बिहान बैंकक जाने पारिवारिक स्रोतले जनायो ।

पार्टीको स्थायी कमिटी सदस्य समेत रहेका पुन लामो समयदेखि जण्डिस बिग्रिएपछि देखिने समस्याबाट पीडित छन् । ४ वर्ष पहिले पनि उनलाई बैंककको समितिभेज अस्पतालमा उपचार गरिएको थियो ।

त्यसअघि काठमाडौंको नर्भिक अस्पताल र भारतको नयाँदिल्लीस्थित अस्पतालमा उपचार गराएका थिए । फेरि पनि स्वास्थ्यमा समस्या देखिएपछि आइतबार ललितपुरको सुमेरु अस्पतालमा उनको स्वास्थ्य परीक्षण गरिएको थियो ।

परीक्षणको क्रममा रगतमा ‘बेलिरुबिन’को मात्रा बढेको पाइएको थियो । उनी बुधबार बिहान आठ बजे बैंकक प्रस्थान गर्नेछन् ।