ग्लोबल स्टार फुटबलर क्रिस्टियानो रोनाल्डो र जर्जिना रोड्रिग्वेज चार सन्तानका अभिभावक हुन् । तर उनीहरूबीच विवाह भएको छैन । लामो समययता ३६ वर्षीय रोनाल्डोसँग लिभिङ टुगेदरमा बसेकी जर्जिना अब उनीबाट विवाहको प्रस्ताव आउने प्रतीक्षामा छिन् ।

हालैमात्र जर्जिनाले नेटफ्लिक्समा ‘रोड्रिग्वेज लाइफ’ नामक आफ्नो सोको ट्रेलर सार्वजनिक गरिन् । एक विशेष समारोहबीच भएको सार्वजनिक कार्यक्रममा जर्जिनाले आफू रोनाल्डोबाट विवाहको प्रस्ताव आउने प्रतीक्षामा रहेको सुनाएकी छिन् ।

लामो समयदेखि सँगै रहेपनि रोनाल्डोले विवाहको प्रस्ताव नगरेको जनाउँदै उनले चाँडै नै रोनाल्डोको प्रस्ताव आउनेमा आफू ढुक्क रहेको पनि बताएकी छन् । २७ वर्षीय जर्जिनाले भनेकी छन्, ‘आशा गरौँ उनले मलाई चाँडै विवाह गरौँ भन्ने छन् । हुन त हामी दुवै राम्रो पलको प्रतीक्षामा छौँ ।’