मुलुकभर पछिल्लो २४ घण्टामा ९ सय ५३ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा १० हजार ५७९ जनाको आरटी–पीसीआर र एन्टिजेन विधिबाट परीक्षण गर्दा ९ सय ५३ जनामा कोरोना सङ्क्रमण पुष्टि भएको हो ।
मन्त्रालयका अनुसार ७ हजार ५० जनाको आरटी–पीसीआर विधिबाट परीक्षण गर्दा ७ सय ९० जना र ३ हजार ५२९ जनाको एन्टिजेन विधिबाट परीक्षण गर्दा १ सय ६३ जनामा कोरोना सङ्क्रमण पुष्टि भएको हो ।
योसँगै नेपालमा कोरोना भाइरस सङ्क्रमितको कुल सङ्ख्या ८ लाख ८१ हजार १०५ पुगेको छ ।
पछिल्लो २४ घण्टामा १३७१ जना कोरोनामुक्त भए, ६ को मृत्यु
कोरोना भाइरस (कोभिड–१९)को सङ्क्रमणबाट पछिल्लो २४ घण्टामा देशभर १ हजार ३७१ जना निको भएर घर फर्किएका छन् । योसँगै नेपालमा कोरोना सङ्क्रमणमुक्त हुनेहरूको सङ्ख्या ७ लाख ५९ हजार ८७५ पुगेको छ ।
पछिल्लो २४ घण्टामा देशभर १० हजार ५७९ जनाको परीक्षण हुँदा हालसम्म कुल ४७ लाख ०६ हजार ६३४ जनाको पीसीआर–एन्टिजेन परीक्षण भएको छ ।
यसै गरी पछिल्लो २४ घण्टामा थप ६ सङ्क्रमितको मृत्यु भएको छ । हालसम्म नेपालमा कोरोना सङ्क्रमणबाट मृत्यु हुनेको सङ्ख्या ११ हजार ८७ पुगेको छ ।