पाकिस्तान मुस्लिम लीग नवाज (पीएमएल एन) का प्रवक्ता मरियम औरंगजेबले पाकिस्तान तेहरिक ए इन्साफ (पीटीआई) सरकारका मन्त्रीहरु पाकिस्तानको संविधानलाई कुल्चने गरि अर्को चुनावमा धाँधली गर्न खोजिरहेको आरोप लगाएकी छन्। उनले पाकिस्तान सरकारका मन्त्रीहरुले निवार्चन भोटिङ मेसिनमार्फत चुनावमा धाँधली गरेर सत्तामा टिकिरहने खेलमा लागेको उनको आरोप छ।
पत्रकार सम्मेलनका क्रममा बोल्खै उनले सरकारका मन्त्रीहरुले पाकिस्तानको निर्वाचन आयोग (ईसीपी) लाई निशाना बनाएको भन्दै इलेक्ट्रोनिक भोटिङ मेसिन (ईभीएम) को विरोध गर्न आग्रह गरेकी हुन्। उनले अर्को आम चुनावमा उक्त मेसिनहरुको प्रयोग हुन नदिनका लागि पनि आग्रह गरेकी छन्।
पीएमएलएन प्रवक्ताले पीटीआई सरकारलाई ईसीपीको संवैधानिक अधिकार खोसेर प्रधानमन्त्री निवासमा सार्ने प्रयास गरेकोसमेत आरोप लगाएकी छन्। उनले संविधानको अनुच्छेद २१ ले निर्वाचन गर्न ईसीपीलाई पूर्ण स्वायत्तता दिएको भए पनि सरकारले हस्तक्षेप गर्न खोजेको आरोप लगाएका छन्।
ईसीपीको आलोचना गरेको भन्दै मन्त्रीहरुको आलोचना पीटीआईका गुंडाले ईसीपी जलाउने र नरकमा पठाउन खोजेको र आतंकवादी कार्यमा संलग्न गराएको बताएकी छन्। यसका विषयमा सरकार जवाफदेही बनाउनुपर्ने बताएकी छन्।
यसअघि जुलाईमा पाकिस्तानले पाकिस्तानको कब्जामा रहेको काश्मीर विधान सभाको चुनाव गराएको थियो। यसैबीच, औरंगजेबले पीओके चुनावमा धाँधली भएको भन्दै चुनाव इमरान खानको पीटीआई पार्टीको पक्षमा भएको बताएकी हुन्।
