नेत्र बहादुर चन्द ‘बिप्लव’ समुहले कैलालीमा जग्गा कब्जा गरेको छ । रणबहादुर शाहको गोदावरी नगरपालिका वडा नम्बर ७ स्थित २२ बिगाह जग्गा कब्जा गरेको हो ।
मोटरसाइकलमा चढेर आएका ३०/४० जनाको समूहले हरैया भन्ने स्थानमा रहेको स्व.रणबहादुर शाहको २२ बिघा जमीन कब्जा गरेको घोषणा गरेको हो । स्व.शाह दाङ जिल्ला निवासी हुन् ।
आफ्नो पार्टीको नियन्त्रणमा रहेको जमिन जबर्जस्ति सुकुम्बासीको उठीबास गराइएको र हाल विभिन्न व्यक्तिहरूले अनधिकृत रूपमा चलखेल गर्न खोजिरहेको सुचना आएपछि पुन नियन्त्रणमा लिएर चलखेल नगर्न सुचित गरिएको नेकपा कैलाली सेक्रेटरी दिपेन्द्र चलाउनेले बताए ।
यो जग्गा शौभाग्य रियलस्टेट एण्ड हाउजिङ्ग प्रा.लि. लेखनाथ नगरपालिका– ८ पोखराका विमल बस्यालले किनेका छन् । कमिशनमा कुरा नमिलेपछि जमीन कब्जा गरेको आरोप छ ।
जमीनको मूल्य अर्बौंको छ । अर्बौंको जमीनमा विप्लवका नेता कार्यकर्ताहरूले आँखा लगाएका छन् ।
विप्लव समूहको यो हर्कतको कैलालीसहित देशभरि विरोध भएको छ ।