फिल्म उद्योगमा आबद्ध अधिकांश सेलिब्रेटीहरु ड्रग्ससम्बन्धी विभिन्न मुद्धामा परिरहेका छन्। यसमा बलिउड पनि अगाडि नै रहेको छ।
बलिउडका धेरै सेलिब्रेटीहरुले मादक पदार्थ तथा नसालु पदार्थ सेवन गर्दा समस्याहरुको सामना गर्नुपरेको छ। सामाजिक सञ्जालका कारण कलाकर्मीहरुको व्यक्तिगत जीवनका बारेमा पनि सजिल्यै जान्न सकिन्छ। उनीहरुको गतिविधिहरु सजिलै देख्न सकिने भएकाले कहिले विवादमा पर्छन् त कहिले ट्रोलको शिकार हुन्छन्।
तर यही बलिउड फिल्म उद्योगमा केही त्यस्ता सेलिब्रटीहरु छज् जो मादक पदार्थ हातै लगाउँछैनन्। यो लिस्टमा सबैभन्दा अगाडि बलिउडका महानायक अमिताभ बच्चन पर्छन्। उनले कहिल्यै मादक पदार्थ र धुम्रपान गरेका छैनन्।
अमिताभ बच्चन
बलिउडका महानायक अमिताभ बच्चनले कहिल्यै मादक पदार्थ र धुम्रपान गरेका छैनन् । उनी शाकाहारी हुन् । उनी शाकाहारी खाना खान मन पराउँछन् ।
अक्षय कुमार
बलिउडका अर्का सुपरस्टार अक्षय कुमार पनि मदिरा सेवन गर्दैनन् । उनी बलिउडका सबैभन्दा फिट, सफल, चर्चित, अनुशासित र महंगा नायक हुन् । उनी ५४ वर्षको उमेरमा पनि उत्तिकै सक्रिय छन् । उनले मदिरालाई छोएका पनि छैनन् । उनले मादक पदार्थ सेवन त के राति अबेर पार्टीमा समेत जाँदैनन् ।
जोन अब्राहम
शुगठित शरीरका कारण पनि जोन अब्राहम चर्चामा आउँछन् । तर उनले हिट फिल्म पनि दिएका छन् । उनले कहिल्यै मदिरा सेवन गरेका छैनन् । आफ्नो फिटनेसलाई ध्यान दिने उनले कुनै पनि नशालु पदार्थ सेवन गर्दैनन् ।
सोनाक्षी सिन्हा
बलिउडमा ११ वर्षको यात्रा तय गरिसकेकी सोनाक्षी सिन्हाले अहिलेसम्म मदिरा सेवन गरेकी छैनन् ।
परिणीति चोपडा
बलिउडमा मदिरा नपिउने अभिनेत्रीको सूचीमा पर्छिन् परिणीति । उनले पनि सुपरहिट फिल्ममा काम गरेकी छन् । उनले पनि कहिल्यै मदिरा सेवन गरेकी छैनन् ।
शिल्पा शेट्टी
बलिउडमा सबैभन्दा फिट रहने अभिनेत्री हुन् शिल्पा शेट्टी । उनी योग गर्न रुचाउँछिन् भने धेरैलाई यगको बारेमा प्रशिक्षण पनि दिने गर्छिन् । उनी ४५ वर्षकी भइसकिन् तर उनी अझै पनि उत्तिकै फिट छिन् । उनले पनि कहिल्यै मदिरा पिएकी छैनन् ।
दीपिका पादुकोण
दीपिका पादुकोण सुन्दर अभिनेत्रीमध्ये एक हुन् । उनले पनि आफ्नो फिटनेसको बारेमा ध्यान दिने गर्छिन् । उनले पनि कहिल्यै मदिरा सेवन गरेकी छैनन् ।
सिद्धार्थ मल्होत्रा
सिद्धार्थ मल्होत्रा पछिल्लो पुस्ताका चर्चित अभिनेता हुन् । उनले पनि कहिल्यै मदिरा सेवन गरेका छैनन् ।