मोरङको पथरी शनिश्चरे नगरपालिका–२ स्थित सेल्फी रोडबाट यौन क्रियाकलापमा लिप्त एक जोडीलाई प्रहरीले पक्राउ गरेको छ ।
गत बिहीबार अपराह्नतिर अटो किनारा लगाएर सार्वजनिक स्थलमै अवान्छित क्रियाकलाप गरेको पाइएपछि उनीहरूलाई पक्राउ गरिएको इलाका प्रहरी कार्यालय पथरीका डिएसपी कृष्ण खड्काले केटिएम दैनिकलाई बताए ।
पक्राउ पर्नेमा उर्लाबारीका अटो चालक ४० वर्षीय पुरुष र पथरी शनिश्चरे घर भएकी ३२ वर्षीय महिला रहेकी छन् । बिहीबार अपराह्न ४ बजेतिर सार्वजनिकस्थलमै यौन क्रियाकलाप गरिरहेको देखेपछि स्थानीयले प्रहरीलाई जानकारी दिएका थिए ।
स्थानीयको जानकारीलगत्तै पुगेको प्रहरीले दुवैलाई सार्वजनिकस्थलमा अश्लील क्रियाकलापमा संलग्न भएको आरोपमा पक्राउ गरी अभद्र व्यवहारमा मुद्दा दर्ता गरेर कारबाही अगाडि बढाएको छ ।
डिएसपी खड्काका अनुसार उर्लाबारीस्थित मङ्गलबारेबाट अटोमा चढेर घर हिँडेकी ती महिला र अटो चालक सो स्थानमा पुगेपछि यौन क्रियाकलापमा लिप्त भएका थिए । दुवैले मादक पदार्थ सेवन गरेको पाइएको प्रहरीले जनाएको छ ।