एमबिबिएसका विद्यार्थीहरुले बिहीबार पनि माइतघर मण्डलामा प्रदर्शन गरेका छन्। चीनबाट एमबिसिएस पढेर आएका विद्यार्थीहरुले इन्टर्नसिको माग गर्दै आज पनि प्रदर्शन गरेका हुन्।
एमबिबिएस उत्तीर्ण भएर लाइसेन्स पास भइसकेको अवस्थामा पनि नेपाल मेडिकल काउन्सिल र शिक्षा आयोगले आफूहरुलाई झुलाइरहेको आरोप प्रदर्शनमा सहभागी विद्यार्थीहरूले लगाएका छन्।
शिक्षा आयोग र मेडिकल काउन्सिलबीच कुराकानी नमिल्दा त्यसको पीडित आफूहरु भएको उनको भनाइ छ। एमबिबिएसको डिग्री लिएर काम गर्नुपर्ने समयमा यसरी आन्दोलनमा उत्रिनुपर्दा आफूहरु एकदमै दुखी भएको बताउँछन् उनी।
शिक्षा आयोज र मेडिकल काउन्सिलको तालमेल नमिल्दा करिब १८५ विद्यार्थी एमबिबिसीएको डिग्रीबाट वञ्चित भएका छन्। विद्यार्थीहरु विगत चार दिनदेखि प्रदर्शनमा छन्।
विद्यार्थीहरुले गत चैतमा पनि इन्टर्नसिपका लागि प्रदर्शन गरेका थिए।
तस्विरहरू