एक वकालत समूहले पाकिस्तानी मिडियामा महिलाविरुद्धका हिंसाका घटनाहरुलाई कम प्राथमिकता दिएको जनाएको छ । पाकिस्तानी मिडियामा महिलाविरुद्धको हिंसाका घटनाहरु धेरै हुने भए पनि मिडियामा भने उनीहरुलाई खास प्राथमिकतामा नदिइएको पाइएको हो ।
यस वर्षको पहिलो ६ महिनाको अवधिमा ६ हजार ७५४ महिलाहरु अपहरण, एक हजार ८९० महिला बलात्कार, तीन हजार ७२१ का हिंसाका घटनाहरु भएको जनाइएको छ। पाकिस्तनी सञ्चारमाध्यम डनले दीगो सामाजिक विकास संस्थाले तयार गरेको रिपोर्ट उदृत गर्दै पञ्जाब प्रान्तमा पछिल्लो ६ महिनाको अवधिमा भएको घटना रहेको जनाएको छ।
रिपोर्टले पूर्वी प्रान्तमा बाल दुर्व्यवहारका ७५२ मुद्दा दर्ता भएको जनाएको छ भने इस्लामाबादमा ३४ महिला बलात्कारका घटना दर्ता भएका छन्। जसमा २७ मुद्दालाई मात्रै मिडियामा उल्लेख गरिएका छन्।
रिपोर्टका अनुसार लाहोर पञ्जाबको हटस्पट जिल्ला हो। जहाँ बलात्कार, महिलाहरुविरुद्ध हिंसा, अपहरण, घरेलु हिंसा र बाल दुर्व्यवहारका सबैभन्दा धेरै घटनाहरु हुने गरेका छन्। रिपोर्टमा डाटा अंग्रेजी र उर्दू प्रिन्ट मिडियाद्वारा प्रदान गरीएको र आधिकारिक दर्ता मामलाहरुको लागी पहुँचको माध्यमबाट उक्त घटनाहरु उल्लेख गरिएको जनाइएको छ।
एसएसडीओका निर्देशक शाहिद जटोईले यस विषयमा मिडियामा उचित ठाउँको कमी एक अधिक चिन्ताजनक प्रवृत्ति थियो।
आधिकारिक तथ्यांकको तुलनामा मिडियामा कम रिपोर्टिङले पञ्जाब र आईसीटीमा महिला र बालबालिकाहरुको मानव अधिकार उल्लंघनकको स्थिति बारेमा खतरनाक अवस्था उजागर हुन नसकेको बताइएको छ ।
यस वर्षको सुरूमा देशमा मानव अधिकारको स्थितिमा वार्षिक रिपोर्ट पाकिस्तानमा महिलाहरुको दुर्दशा बारेमा चिन्ता व्यक्त गरिएको छ।
पाकिस्तानको मानवअधिकार आयोग (एचआरसीपी) को प्रतिवेदनले देशमा महिला अधिकारको अवस्थाको चिन्ताजनक चित्र प्रस्तुत गरेको छ। यसले पाकिस्तानमा सीमान्तकृत समुदायलाई असर पार्ने मुद्दाहरुको एक शरणीलाई हाइलाइट गरेको छ।
