नेपाली काँग्रेसका नेता विश्वप्रकाश शर्माले महामन्त्रीमा उम्मेद्वारी घोषणा गरेका छन् । विपि कोइरालाको जन्मजयन्तीको अवसर पारेर विपि संग्रालय समेत रहेको सुन्दरीललमा पुगेर शर्माले १४ औं महाधिवेशनमा महामन्त्री उठ्ने घोषणा गरेका हुन् ।
आफ्नो राजनैतिक जिवनको लगातार ८ बर्ष बिपीले जेल जीवन बिताएको सुन्दरीजल बन्दी गृह(हालको बिपी संग्रहालय) मा आज आयोजित एक कार्यक्रम बिच शर्माले उक्त घोषणा गरेका हुन् ।
तत्कालीन अबस्थामा बिपीले रोपेको कपुरको रुखमा जल चढाइ रुद्राक्षको बोट रोपेर शर्माले उम्मेदवारी घोषणा गरेका थिए ।
प्रबक्ता शर्माले त्यहाँ रहेको बिपी, गणेशमान , कृष्ण प्रसाद भट्टराई लगायताका नेताको सालिकमा माल्यार्पण समेत गरेका छन् ।
सुन्दरीजल बन्दी गृहमा बिपी सहित गणेशमान सिंह, कृष्ण प्रसाद भट्टराई, रामनारायण मिश्र, देवान सिंह राई लगायतका काङ्ग्रेस नेताहरुलाइ तत्कालीन सरकारले बन्दी बनाइ थुनेको थियो ।
काँग्रेसको प्रवक्ता समेत रहेका शर्माले केही समय प्रवक्ताको जिम्मेवारी नछोड्ने बताए। तर चुनाव प्रचारका क्रममा प्रवक्ताको जिम्मेवारीले असहज अवस्था हुने भए तत्काल प्रवक्ताको जिम्मेवारी पनि छोड्न सकिने शर्माले संकेत गरेका छन् ।
देउवा पक्षीय नेता मानिने शर्मा काँग्रेस भित्र प्रभावशाली नेताका रुपमा चिनिन्छन् । नेपाल बिद्यार्थी संघको केन्द्रीय अध्यक्ष हुँदै पार्टीको राजनितिमा सक्रिय भएका शर्मालाई महामन्त्रीमा उम्मेद्वारी घोषणा गर्न देशभरका कार्यकर्ताबाट चौतर्फी दबाब भइरहेको थियो ।
यस अघि नै महामन्त्रीका लागि अर्का नेता गगन थापाले समेत उम्मेद्वारी घोषणा गरिसकेका छन् ।
काँग्रेस केन्द्रीय समितिमा दुई जना महामन्त्री हुने ब्यवस्था भएका कारण पनि देउवा इतर मानिने थापा र देउवा पक्षीय शर्मा महामन्त्री हुने चर्चा चलिरहेको छ । नेपाली काँग्रेस १४ औं महाधिवेशन नजिकिदैछ जाँदा केन्द्रीय नेताहरुले उम्मेद्वारी घोषणा गर्ने क्रम चलिरहेको छ ।