नेकपा माओवादी केन्द्रका अध्यक्ष पुष्पकमल दाहाल प्रचण्डले जनताका लागि काम नगर्ने पार्टीको अर्थ नभएको बताएका छन्। शुक्रबार माओवादी केन्द्र बागमती प्रदेश समितिको प्रशिक्षणमा बोल्दै प्रचण्डले जनताको लागि काम नगर्ने हो भने पार्टी विघटन गरे हुने बताएका हुन्।
वर्गीय पक्षधरता र क्रान्तिकारी संस्कृति भएन भने र उत्पीडित जनताको पक्षमा काम गरिएन भने पार्टीको काम नहुने उनको भनाई छ। नेता कार्यकर्ताहरु जनतामा फर्किनु पर्ने बताउँदै उनले यस्तो गरेमा मात्र पार्टी बन्ने र समाजवादको बाटो कोरिने उनले बताए।
प्रशिक्षण भेलामा जिल्ला अध्यक्षहरुले रिपोर्टिङ गरेका छन्। केन्द्रीय समितिको बैठकको निर्णय कार्यान्वयनकै सिलसिला मा यी बैठकहरु भैरहेका हुन्। यस अघि केन्द्रले कर्णाली प्रदेश र लुम्बिनी प्रदेशको प्रशिक्षण गरिसकेको छ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
