हाम्रो नेपाल हामी नेपालीका संयोजक ज्ञानेन्द्र शाहीले नेपाल कम्युनिष्ट पार्टी माओवादी केन्द्रका अध्यक्ष पुष्पकमल दाहाल प्रचण्ड एमसिसीको पक्षधर भएको आरोप लगाएका छन् ।
चुरोकुरो टेलिभिजनका उमेश सुवेदीसँगको कुराकानी गर्दै संयोजक शाहीले प्रचण्डले १० वर्षको जनयुद्ध समेत अमेरिकाको सहयोगमा गरेको भन्दै उतिवेला अमेरिकाले प्रचण्डलाई स्याटेलाइट फोन उपलब्ध गराएको आरोप लगाएका हुन् ।
प्रचण्डले जनयुद्धको बेला बैंक लुटेर पैसा जम्मा गरेको, पछि क्यान्टोनमेन्टमा अबौं घोटाला गरेको तथा एनसेलको ६२ अर्ब समेत झ्वाम पारेको संयोजक शाहीको आरोप छ । उनले अर्थमन्त्री जनार्दन शर्माले जारी गरेको श्वेतपत्रप्रति कटाक्ष गर्दै हिम्मत भए जनार्दन शर्माले प्रचण्डलाई र शेरबहादुर देउवालाई जेल हालुन र आफू स्वयम पनि जेल जाउन ।
यदि यो सरकारले साँच्चिकै अर्थतन्त्रलाई सबल बनाउने हो भने प्रचण्डको मुटु कलेजो र किड्नी बेचेर भएपनि उनले लुटेको पैसा दाखिला गराउन जनार्दन शर्माले हिम्मत गर्नुपर्ने संयोजक शाहीको भनाइ छ ।
सरकारले एमसिसी पास गर्ने दाउँ गरेको भन्दै उनले एमसिसी पास गराउन खोज्नेहरुलाई कठालो समातेर सडकमा ल्याउने दाबी समेत गरे ।
बाँकी भिडिओमा हेर्नुहोस्