प्रदेश १ मा सार्वजनिक यातायातको भाडा वृद्धि भएको छ । प्रदेश १ सरकारले प्रदेशभित्र चल्ने सार्वजनिक यातायातको भाडा २२ प्रशितले वृद्धि गरेको हो ।
सरकारले भदौ १ गतेबाट लागू हुनेगरी भाडा वृद्धि गरेको हो । प्रदेश १ भौतिक पूर्वाधार विकास मन्त्रालयका अनुसार मन्त्रीस्तरको निर्णयअनुसार मालबाहक सवारीको पनि भाडा वृद्धि भएको छ ।
सरकारले पहाडी बाटोमा सञ्चालन हुने मालबहाक सवारीको भाडा १६.५ प्रतिशत र तराईमा २३ प्रतिशतले बढाएको हो । भाडा बढेपछि विराटनगरदेखि काँकडभिट्टाको नयाँ भाडा दुई सय ८१ रुपैयाँ कायम भएको छ ।
त्यस्तै, काँकडभिट्टा–इटहरीको भाडा दुई सय २४, धरान–काँकडभिट्टाको भाडा दुई सय ७०, कटारी–काँकडभिट्टाको भाडा ६ सय नौ रुपैयाँ कायम भएको छ । यसअघि विराटनगर– काँकडभिट्टाको भाडा दुई सय ३०, इटहरी काँकडभिट्टा एक सय ८४, काँकडभिट्टा–धरानको भाडा दुई सय २१ रुपैयाँ थियो ।
सङ्घीय सरकारले भाडामा वृद्धि गरेको एक महिनापछि प्रदेशले पनि भाडा बढाएको हो । सङ्घीय सरकारले गत असार २९ गतेबाट २८ प्रतिशतसम्म भाडा वृद्धि थियो ।