नेपालका लागि चिनियाँ राजदूत होउ यान्छी र गृहमन्त्री बालकृष्ण खाँणबीच भेटवार्ता भएको छ ।
गृहमन्त्री बालकृष्ण खाँणसँग भेटवार्ताका लागि राजदूत यान्छी आज दिउँसो सिंहदरबार पुगेकि हुन् ।
भेटको क्रममा द्विपक्षीय सम्बन्ध तथा चिनियाँ सहयोगबारे छलफल भएको र कोरोना नियन्त्रणका लागि चिनियाँ सहयोगबारे पनि छलफलको गृहमन्त्रीको सचिवालयले जनाएको छ ।
यसवाहेक राजदूत यान्छीले गृहमन्त्रीलाई बधाइ तथा शुभकामना समेत दिइएको बताइएको छ । यसअघि यान्छीले आजै माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहासँग भेटवार्ता गरेकी थिइन् । शेर बहादुर देउवा प्रधानमन्त्री भएपछि श्रावण १ गते बालुवाटारमा भेट्न पुगेकी यान्छीले नेपाललाई थप १६ लाख भेरोसेल खोप अनुदानमा उपलव्ध गराउने बताएकी थिइन् ।
पछिल्लो समयमा चिनियाँ दुतावासको भेटघाट तिब्र भएको छ । श्रावण १५ गते उनले अर्थमन्त्री जनार्दन शर्मालाई अर्थमन्त्रालयमा भेट गरेकी थिइन् । नेकपा विभाजनको बेला यान्छीले कुटनैतिक मर्यादाविपरित नेताहरूलाई भेटघाट गरेको भन्दै उनको आलोचना समेत भएको थियो ।