नुवाकोटकी २८ वर्षकी सोमिका तामाङले एकै पटक ५ वटा शिशुलाई जन्म दिएकी छन्।
तामाङले चार जीवित र एक जना मृत शिशुलाई जन्म दिएकी हुन् । उनी थापाथलीस्थित परोपकार प्रसूति गृहमा शल्यक्रियामार्फत सुत्केरी भएकी हुन।
मृतक शिशु छोरा हुन् भने अन्य चार जना छोरी रहेका छन् । अप्रेशन टोलीका प्रमुख डा कीर्तिपाल सुवेदीलेका अनुसार हाल एक जना शिशुलाई एनआईसीयूमा राखिएको छ तीन वटा शिशुलाई आमाको जिम्मा लगाइसकेको छ ।
एनआईसीयूमा राखेको शिशुको अवस्था समान्य रहेको जनाईएको छ । डा.सुवेदीका अनुसार एनआईसीयूमा राखेको बच्चाको तौल आठ सय ग्राम छ भने अन्य तीन जनाको तौल क्रमश १.८, १.९, १.६ केजी रहेको छ ।
नेपालमा तिम्लिया र ४ जना सन्तान बेलाबेलामा जन्मिएका खबरहरू आइरहेतापनि ५ जना शिशुहरूको एकैपल्ट जन्म भएका घटनाहरू विरलै मात्रामा हुन्छन् ।
हिजोआज धेरैलाई बाझोपनाको समस्या छ । बाँझोपनाकै कारण अधिकांश महिलाहरूले गर्भ बस्ने औषधीको सेवन गर्दछन् । यस्ता औषधी सेवन गर्दा महिलाको पाठेघरमा एकभन्दा बढी अण्डा निस्कने सम्भावना धेरै हुने गर्छ । जब ती अण्डा लाखौ शुक्रकीटको सम्पर्कमा आउँछ, ती लाखौ शुक्रकीटमध्ये एकदुईवटा शुक्रकीट उक्त अण्डाको सम्पर्कमा आएर विकसित हुने गर्दछ । यसबाट जुम्ल्याहा बच्चा जन्मने सम्भावना बढी हुने गर्दछ ।
किन जन्मन्छन् जुम्ल्याहा
समाजमा हामीले जुम्ल्याहा देखेका, भेटेका वा सुनेका छौं । यो कसरी सम्भव हुन्छ ? भन्ने जिज्ञासा जाग्नु स्वाभाविक हो । जुम्ल्याहा बच्चा जन्मिने मुख्य दुई कारण छन् ।
-प्रायः एउटा डिम्बाशयले महिनामा एउटामात्रै डिम्ब निष्कासन गर्छ । तर, कहिलेकाहीँ कुनै कारणले दुईवटा डिम्बको छुट्टाछुट्टै शुक्रकीटसँग मिलन भई दुईवटा बच्चा विकसित हुने गर्छन् । त्यस्ता बच्चा कहिले छोरा–छोरा, छोरी–छोरी वा छोरा–छोरीका रूपमा जन्मिएको पाइन्छ ।
-दोस्रो कारणले हुने जुम्ल्याहा एउटै डिम्ब र शुक्रकीट मिलन भएर बनेको कोष फुटेर जति टुक्रा हुन्छ, त्यतिवटा बच्चा भएको पाइन्छ । त्यस्तो फुटाइ सात दिनभित्र भएमा जुम्ल्याहा बच्चा छुट्टाछुट्टै विकास हुन्छ । सात दिनभित्र त्यसो भएमा टाँसिएर जन्मने सम्भावना हुन्छ । यसरी जन्मने जुम्ल्याहा प्रायः एउटै लिंगका हुन्छन् भने उनीहरूको अनुहार पनि दुरुस्त देखिन्छ ।
