निर्वाचन आयोगले जनता समाजवादी पार्टी (जसपा)को उपेन्द्र यादव पक्षलाई आधिकारिकता दिएको छ ।
बहुमत केन्द्रीय सदस्य यादवको पक्षमा भएकाले इजलासले आधिकारिकता दिने फैसला गरेको आयोगका प्रवक्ता राजकुमार श्रेष्ठले बताए।
प्रमुख निर्वाचन आयुक्त दिनेशकुमार थपलियाको नेतृत्वमा रहेको इजलासले एक सातादेखि सुनुवाइ गरिरहेको थियो। आज जसपा केन्द्रीय कार्यकारिणी समिति सदस्यलाई बोलाएर सनाखत गरेको थियो। निर्वाचन आयोगका प्रमुख निर्वाचन आयुक्त दिनेशप्रसाद थपलिया, निर्वाचन आयुक्तहरू ईश्वरीप्रसाद पौड्याल, रामप्रसाद भण्डारी, डा. जानकीकुमारी तुलाधर र सगुन शमशेर जबराको इजलासले उक्त निर्णय गरेको हो ।
अर्का अध्यक्ष महन्थ ठाकुर पक्षलाई नयाँ दल दर्ताका लागि अवसर दिने पनि फैसला गरेको छ। यादवलाई आधिकारिकता दिए पनि ठाकुरलाई दल दर्ताका लागि अवसर दिएको प्रवक्ता श्रेष्ठले जानकारी दिए।
उपेन्द्र यादवले दलको लेटरप्याड, चुनाव चिह्न, हस्ताक्षर आदिको दुरुपयोग हुँदा पार्टी सञ्चालन गर्न समस्या भएको भन्दै दलको आधिकारिकता पाऊँ भन्दै आयोगमा निवेदन दिएका थिए । अब दलको नाम, चिह्न, लेटरप्याड सबै उपेन्द्रको भएको छ ।
जनता समाजवादी पार्टी (जसपा) को आधिकारिकता बारे निर्वाचन आयोगले सोमबार दुबै पक्षलाई बोलाएको थियो। आयोगले ५१ सदस्यीय कार्यकारिणी समितिलाई आधिकारिकता मान्दै अध्यक्ष उपेन्द्र यादव र अर्का अध्यक्ष महन्थ ठाकुरको पक्षमा ‘हेड काउन्ट’ गरेको थियो।
५१ सदस्यीय मध्ये रेशम चौधरी तटस्थ बसेका थिए। डिल्ली बजार कारागारमा रहेका चौधरीलाई कडा सुरक्षाबीच आयोगमा उपस्थित गराइएको थियो तर उनले दुबै पक्षमा सनाखत गरेनन्।
पक्ष बिपक्षमा भएका ५० जना मध्ये यादवको पक्षमा ३४ जना र ठाकुरको पक्षमा १६ जना कार्यकारिणी सदस्यले हस्ताक्षर गरेका थिए।
उपेन्द्र यादव पक्षः
१. उपेन्द्र यादव, २. अशोक राई, ३. डा.बाबुराम भट्टराई, ४. महेन्द्रराय यादव, ५. राजकिशोर यादव, ६. गोविन्द चौधरी, ७. मृगेन्द्रकुमार सिंह यादव, ८. नवलकिशोर शाह, ९. अमृतादेवी अग्रहरी, १०. रामनरेश राय यादव, ११. राजेन्द्रप्रसाद श्रेष्ठ, १२. नवराज सुवेदी, १३. परशुराम खापुङ, १४. युवराज कार्की, १५. रकम चेम्जोङ, १६. रेणुकमारी यादव, १७. लालबाबु राउत १८. हिसिला यमी, १९. हेमराज राई, २०. गंगानारायण श्रेष्ठ, २१. रणध्वज कन्दङ्वा, २२. रामसहाय प्रसाद यादव, २३. डम्मरु बल्लभ खतिवडा, २४. प्रकाश अधिकारी, २५. मो.ईस्तियाक राई, २६. दुर्गा सोब, २७. परशुराम बस्नेत, २८. प्रसान्त सिंह, २९. भक्तबहादुर शाह, ३०. शुशिला श्रेष्ठ, ३१. विजयकुमार यादव, ३२. रमेशप्रसाद यादव, ३३. गजाधर रोहिता यादव, ३४. मनिषकुमार सुमन
महन्थ र महतो पक्षमाः
१. महन्थ ठाकुर, २. राजेन्द्र महतो, ३. शरत् सिंह भण्डारी, ४. अनिलकुमार झा, ५. सर्वेन्द्रनाथ शुक्ल, ६. वृषेशचन्द्र लाल, ७. जितेन्द्रप्रसाद सोनार, ८. उमाकान्त झा, ९. चन्दा चौधरी, १०. लक्ष्मणलाल कर्ण, ११. राजकुमार लेखी, १२. केशबकुमार झा, १३. अकवाल अहमद शाह, १४. दानबहादुर विश्वकर्मा, १५. निर्जला राउत, १६. सुनीलकुमार झा