भन्सार छलेर नेपाल ल्याएका २ वटा हुन्डाई क्रेटा गाडीसहित काठमाडौँबाट दुई व्यक्ति पक्राउ परेका छन् ।
महानगरीय अपराध महाशाखाको टोलीले बौद्धबाट मुस्ताङ घर भई हाल बौद्ध बस्ने आग्या गुरुङ र भारतको दार्जिलिङ घर भई हाल बौद्धमा बस्ने सोनाम टासी योल्मोलाई पक्राउ गरेको छ । प्रहरीले सेतो रंगको बा १९ च २०३६ र भारतीय नम्बर प्लेट DL8CAZ6082 भएको हुन्डाई क्रेटा गाडीसमेत बरामद गरेको छ ।
नेपालमा हुन्डाई क्रेटाको मूल्य ४५ लाख ५६ हजारबाट सुरु भई ७४ लाख ९६ हजारसम्म पर्न जान्छ । उनीहरूले भारतबाट चोरी गरेका गाडी नेपाल ल्याएर यहाँको नम्बर समेत राखेर बेच्ने गरेको पाइएको छ । यसरी गाडी बिक्री गर्ने गिरोहसँग यातायात व्यवस्था विभागका कर्मचारीहरूको मिलेमतो समेत हुँदै आएको बताइन्छ ।
.
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
