स्पेनिस क्लब बार्सिलोना र इटालियन क्लब युभेन्टसले जोन ग्याम्पर कपमा प्रतिस्पर्धा गर्ने भएका छन् । अागामी अगस्ट ८ मा हुने यस समरको ट्रफी जोन ग्याम्परको उपाधि भिडन्तमा बार्सिलोनाले युभेन्टससँग प्रतिस्पर्धा गर्ने पक्का भएकाे हो ।
साविक विजेतासमेत रहेको बार्सिलोनाले अाफ्नै मैदान क्याप नाेउमा युभेन्टससँग खेल्ने छ । अगस्ट ८ राति १ः१५ बजे उक्त खेल हुनेछ । यससँगै विश्वका दुई उत्कृष्ट फुटबलर लियोनल मेस्सी र क्रिस्टियानो रोनाल्डोबीचको भिडन्त पुनः एक पटक देख्न पाइने भएकाे छ ।
बार्सिलोना र युभेन्टसले गत सिजनको च्याम्पियन्स लिगको समूह चरणको खेलमा प्रतिस्पर्धा गरेका थिए । पहिलो खेलमा रोनाल्डोबिनाको युभेन्टस बार्सिलोनासँग पराजित भएको थियो । बार्सिलोनाले युभेन्टसलाई २–० गोलले हराउँदा मेस्सीले एक गोल गरेका थिए ।
रोनाल्डो मैदान फर्किएपछि दोस्रो खेलमा युभेन्टले ३–० गोलको सहज जित निकालेको थियो, जसमा रोनाल्डोले दुई गोल गरेका थिए ।
बार्सिलोना ग्याम्पर कपको सर्वाधिक सफल टिम हो । उसले ४३ पटक उपाधि जितेको छ । युभेन्टसले भने एक पटकमात्र उपाधि जितेको छ ।