भक्तपुरको सूर्यविनायक जंगलमा मानव कंकाल फेला परेको छ ।
प्रहरीले काफलको रुखको कापोमा पहेलो नाम्लोसहित हरियो नाइनलको डोरी झुण्डिरहेको र सोही रुखको तल भुईमा मानवको जस्तो देखिने दुई वटा लामोलामो हड्डीहरु रहेको जनाएकाे छ।
यस्तै, रातो रंगको म्याजिक चप्पल र नजिकैको झाडीमा हिलो, माटो लागेको कपडाहरु यत्रतत्र छरिएर रहेकोले कानून बमोजिम घटनास्थल मुचुल्का गरी उक्त कंकाल तथा हड्डीहरुलाई संकलन गरी परीक्षणको लागि काठमाडौ मेडिकल कलेज दुवाकोट भक्तपुरमा पठाइएको प्रहरीले जनाएको छ।
घटनास्थलको नजिकै रातो रंगको म्याजिक चप्पल (अन्दाजी ७/८ नम्बर) एक जोर, एडीडास लेखेको कालो ट्राउजर १ थान, कालो हुक १ थान, हाप बाहुला भएको सेतो टिर्सट १ थान फेला परेको महानगरीय प्रहरी वृत जगाती भक्तपुरका प्र.नि. सूर्यबहादुर शाही बताए।
यस प्रकारको कपडा लगाएको मानिस हराएको भएमा यसै सूचनालाई आधार मानी प्रहरीलाई सम्पर्क गरी प्रहरी अनुसन्धानमा सहयोग गरिदिनु हुन अनुरोध गरिएको छ।