बलिउड अभिनेत्री शिल्पा सेट्ठीको घरमा प्रहरीले छापा मारेको छ । सोमबार प्रहरीले राजलाई हिरासतमा लिएर चेकजाँच गरेपछि उनको घर प्रहरी पुगेको हो ।
शिल्पाको घरमा छापा मार्न प्रहरी पुगेपछि उनको घरमा पत्रकारहरुको भिड नै लागेको थियो । तर शिल्पाले आफ्नो बच्चाहरुको दिमागमा नराम्रो असर पर्ने भन्दै उनीहरुलाई त्यहाँबाट जानु आग्रह गरेकी थिइन् ।
हेरौं भिडिओ
अब राज कुन्द्राको बिषयमा जाँच गर्न मुम्बई क्राइम ब्रान्चको टीम उनको जुहु स्थित कंगला किनारा पुगेको छ ।
यो घरमा शिल्पा शेट्टी बस्ने गरेकी छिन् । पुलिसले न्युफ्लिक्स नामक राज कुन्द्राको नयाँ एप प्लान बि का लागि बनाइएको १९ एडल्ट्स भिडियो संग सम्बन्धित संझौता पत्र , केही मिसिंग सीडी तथा मिसिंग सर्वरको खोजी गरेको छ ।
पोर्नोग्राफीको इन्टरनेश्नल कनेक्सन
बलिउड अभिनेत्री शिल्पा शेट्टीको पति राज कुन्द्रालाई लिएर अब ईन्टरनेश्नल कनेक्शनको मामला बाहिर आएको छ । मुम्बई पुलिसका अनुसार व्हाट्सएप च्याट मार्फत रहस्य बाहिर आएको छ कि राज कुन्द्रा १२१ भिडियोलाई १२ लाख अमेरिकी डलरमा बेच्ने कुरा गरिरहेका थिए । मुम्बई पुलिसले भनेको छ यो एक अन्र्तराष्ट्रिय स्तरको मामला हो ।
मुम्बई हाइकोर्टमा कुन्द्राले गरे अपिल
पोर्नाेग्राफी केसमा फसेका बलिउड अभिनेत्री शिल्पा शेट्टीको पति राज कुन्द्राले मुम्बई हाइकोर्टमा याचिका दायर गर्दै आफ्नो गिरफ्तारी बिरुद्ध चुनौती दिएका छन् । उनका अनुसार आफुलाई गिरफ्तार गर्नु अबैधानिक रहेको छ । यता आज भने मुम्बईको एक अदालतले भने २७ जुलाई सम्म राखेर अनुषन्धान गर्न अनुमति दिएको छ ।
सोमबार पक्राउ परेका व्यवसायी राज कुन्द्रा यति बेला प्रहरी हिरासतमा छन् । अदालतमा उनलाई २३ दिनसम्म थुनामा राखेर अनुसन्धान गर्न आदेश दिएको हो ।
राज कुन्द्राले पक्राउ पर्नबाट बच्नको लागि पुलिसलाई २५ लाख रुपैयाँ घुस दिएको यही केसमा फरार रहेका एक अभियुक्तले बताएका छन् ।
स्रोतलाई उदृत गर्दै भारतीय सञ्चारमाध्यम पिंकभिल्लाले राखेको समाचार अनुसार राज फेब्रअरीमा नै पक्राउ पर्नु पर्ने हो । यही पो र्न फिल्मको केसमा फरार रहेका अर्का अभियुक्त यश ठाकुरले पुलिसले राज कुन्द्रालाई यसअघि नै पक्राउ गर्न सक्ने भए पनि राजले क्राइम ब्रान्चका अधिकारीलाई २५ लाख रुपैयाँ घुस दिएका कारण पुलिसले उनलाई पक्राउ नगरेको बताएका छन् ।
यश ठाकुरले यही वर्षको मार्च महिनामा महाराष्ट्रको एन्टी करप्सन ब्युरोलाई इमेल लेखेर यस विषयमा बताएको समेत दाबी गरेका छन् । उनका अनुसार एन्टी करप्सन ब्युरोले यो इमेल अप्रिल महिनामा मुम्बई पुलिस कमिस्नरलाई फरवार्ड गरेको थियो र यो विषयमा जाँच गर्न भनेको थियो ।
यश ठाकुर फेब्रुअरीमा पोर्न भिडियो बनाएकै केसमा अभिनेत्री गहना वशिष्ठ पक्राउ परेको केसका आरोपी हुन् र उनी त्यति बेलादेखि नै फरार छन् । यश ठाकुर अमेरिकामा दर्ता भएको एक कम्पनीको मालिक भएको बताइन्छ । उनको कम्पनीको नाम फ्लीज मुभिज हो जुन कम्पनीले अभिनेत्री र मोडलहरूसँग वेब सिरिज र शोको लागि सम्झौता गर्छ ।
यो फर्मको लागि पहिले निउफ्लिक्स थियो । राज कुन्द्राले बनाउने पो र्न फिल्महरु यश ठाकुरको कम्पनीको वेबसाइटमा अपलोड गरिने गरेको आरोप छ । क्राइम ब्रान्चले यश ठाकुरको बैङ्क खाताबाट साढे ४ करोड रुपैयाँ सिज गरेको थियो । पो र्नोग्राफी केसमा राज कुन्द्रा र उनका आइटी हेड रायन थार्पसहित ११ जनालाई पक्राउ गरिएको छ । यो केसमा पहिलो गिरफ्तारी फेब्रुअरीमा भएको थियो जति बेला मुम्बई को मड आइल्याण्डमा रहेको एक बङ्गलामा छापा मारिएको थियो ।
त्यहाँबाट ५ जनालाई गिरफ्तार गरिएको थियो । यही बेला अभिनेत्री गहना वशिष्ठ पनि पक्राउ परेकी थिइन् । यो गिरफ्तारीपछि पुलिसले अदालतमा बुझाएको चार्जशिटमा यश ठाकुरलाई फरार भनिएको छ ।