वितेको २४ घण्टामा काठमाडौ उपत्यकामा ६ सय भन्दा बढीमा सङ्क्रमण देखिएको छ ।
स्वास्थ्य तथा जनसंख्या मन्त्रालयले शुक्रबार अपरान्ह सार्वजनिक गरेको विवरणअनुसार आज देशका विभिन्न जिल्लामा १७ हजार ३०८ जनाको नमूना परीक्षण गर्दा २ हजार ९७७ जनामा सङ्क्रमण पाइएको छ । यीमध्ये काठमाडौं उपत्यकाका तीन जिल्लामा भेटिएका सङ्क्रमतिको सङ्ख्या ६१३ रहेको छ ।
आज काठमाडौंमा ४१०, भक्तपुरमा ६९ र ललितपुरमा १३४ जनामा सङ्क्रमण पाइएको हो । आज उपत्यकामा भेटिएका सङ्क्रमितको सङ्ख्या हिजोको तुलनामा कम हो । हिजो (बिहीबार) काठमाडौं उपत्यकामा ७५१ जनामा सङ्क्रमण देखिएको थियो ।
उपत्यकामा सक्रिय सङ्क्रमित झण्डै ८ हजार
काठमाडौं उपत्यकामा शुक्रबार अपरान्हसम्म कोरोना भाइरसको सक्रिय सङ्क्रमितको सङ्ख्या ८ हजार आसपास रहेको छ ।
अहिले काठमाडौंमा ५ हजार ७८२ भक्तपुरमा ९४७ र ललितपुरमा १ हजार ११६ गरी कूल ७ हजार ८४५ सक्रिय सङ्क्रमित रहेको मन्त्रालयले सार्वजनिक गरेको विवरणमा उल्लेख छ ।
सक्रिय सङ्क्रमित भनेको कोरोना भाइरसको सङ्क्रमण भएर होम आइसोलेसन (एकान्तवास) बसेका वा उपचारको लागि अस्पतालमा रहेका बिरामीहरुको सङ्ख्या हो ।
त्यस्तैगरी अहिलेसम्म ललितपुरमा ५८२, भक्तपुरमा ३८१ र काठमाडौंमा १ हजार ९४७ गरी २ हजार ९१० जनाको निधन भैसकेको ५ ।