संयुक्त राष्ट्रसंघ (यूएन) को शान्ति सेना योगदान गर्ने मुलुकहरुको वरीयतामा नेपाल दोस्रो नम्बरमा उक्लिएको छ । तेस्रो स्थानमा रहेको नेपाल छिमेकी मुलुक भारतलाई पछि पार्दै नेपालले स्थान सुधार गरेको हो ।
यूएन मिसनमा खटिने सुरक्षा फौजको सूचीमा अर्को दक्षिण एसियाली मुलुक बंगलादेश पहिलो नम्बरमा छ भने अफ्रिकी मुलुक इथोपिया चौथो नम्बरमा छ ।
यूएनबाट प्राप्त सूचनाअनुसार नेपालको ५ हजार ५ सय ७१ सुरक्षाकर्मी शान्ति स्थापनाका लागि खटिएर साउन पहिलो हप्तादेखि दोस्रो नम्बरमा उक्लिएका सैनिक प्रवक्ता सन्तोषबल्लभ पौडेलले जानकारी दिए । पौडेलका अनुसार नेपालबाट २९४ महिला शान्ति सेनामा खटिएका छन् ।
पहिलो नम्बरमा रहेको बंगलादेशले ६ हजार ५ सय ५४ र तेस्रो स्थानमा रहेको भारतले ५ हजार ५२५ जना सुरक्षाकर्मी शान्ति स्थापनाका लागि खटाएका छन् ।
भारतपछि अफिक्रि मुलुक इथोपिया र रुवान्डा क्रमश चौथौ र पाँचौ स्थानमा रहका छन् भने पाकिस्तान छैटौं स्थानमा रहेको ५ । इथोपियाले ५ हजार ४८८, रुवान्डाले ५ हजार ३३१, भारतले ५ हजार ५ सय ४८ र पाकिस्तानले ४ हजार ५ सय १६ जना सुरक्षाकर्मीहरु शान्ति स्थापनाका लागि खटाएका छन् ।
सैनिक प्रवक्ता पौडेलका अनुसार विश्व शान्तिको क्षेत्रमा बढी शान्ति सेना प्रदान गर्ने मुलुकमा रहनु नेपालप्रति अन्य मुलुकको विश्वास हो । नेपाल यूएनले चाहेको बेलामा आवश्यक सामग्रीसहित छिटो खटिन सक्छ भन्ने विश्वास पनि बढेको उनले बताए । ‘यसले गर्दा नेपालले यूएनका माथिल्लो पदमा आफ्नो दाबी प्रस्तुत गर्नको लागि सहयोग पनि गर्छ,’ उनले भने ।
सेनाबाट अहिलेसम्म १ लाख ३५ हजार ३ सय ४३ जनाले शान्ति सेनामा गएर काम गरेका छन् ।
नेपालले सन् १९५८ मा पहिलोपटक लेबनानमा ५ जना सुरक्षाकर्मी अब्जरभरको रूपमा पठाएर शान्ति मिसनका लागि काम गर्न थालेको थियो । त्यसपछि नेपालले पहिलो कन्टिन्जेन्ट पुरानो गोरखा बटालियनलाई सन् १८७४ मा इजिप्टमा पठाएर शान्ति सैनिकको रूपमा काम गरेको हो । यसबीचमा नेपालबाट ६ जना फोर्स कमान्डरसमेत भइरहेका छन् ।