बलिउड अभिनेत्री शिल्पा सेट्टीका श्रीमान् तथा व्यापारी राज कुन्द्रालाई प्रहरीले पक्राउ गरेको छ ।
उनीमाथि अश्लील फिल्म बनाएको आरोप लागेको छ ।
उनीविरुद्ध पर्याप्त प्रमाण जुटाएरमात्रै मुम्बई प्रहरीको क्राइम ब्रान्चले पक्राउ गरेको मिडिया रिपोर्टमा उल्लेख छ।
गत फेब्रुअरीमै दायर गरिएको एक उजुरीमा अनुसन्धान गर्दा प्रोनोग्राफीमा राज कुन्द्रा मुख्य आरोपी रहेको प्रहरीले प्रमाण फेला पारेको समेत बताएको छ ।
यसअघि उक्त केशमा प्रहरीले चार जनालाई पक्राउ गरिसकेको थियो ।
राज प्रकाउ परेको आज ४ दिन भइसकेको छ । उनी हिरासतमा भएपछि शिल्पा आफ्नो शो छाडेर बच्चाहरु सम्हालेर बसेकी छिन् ।
यतिकैमा शिल्पाले सामाजिक सञ्जालमा लेखेको पोष्ट भाइरल भइरहेको छ । उनले राज पक्राउ पर्नुभन्दा अगाडि नै लेखेको उक्त्त स्टाटसमा सबैको आखाँ पुगेको छ ।
उनले लेखेको छिन्, ‘हामीसँग हाम्रो वरिपरि के भइरहेको छ परिवर्तन गर्ने शक्ति नहुन सक्छ, तर हामी भित्र निश्चित रूपमा हामीले नियन्त्रण गर्न सक्छौं। यो योग मार्फत मात्र सम्भव छ। आफैंलाई दिमाग शान्त गर्ने, अनावश्यक विचारहरू कम गर्ने, तपाईंको भटकिएको ध्यान केन्द्रित गर्ने, र त्रैटक ध्यानमार्फत ध्यान केन्द्रित गर्ने क्षमता दिनुहोस् ??♀️?’
राज जेल पर्ने कुरा उनलाई अगाडि नै थाहा भएको कुरा बहसमा आइरहेका छन् ।
मुद्धा शिल्पातिर मोडियो
सोमबार अबेर राती गिरफ्तार गरिएका राज कुन्द्राको केसको अनुसन्धानको क्रममा पुलिसले अभिनेत्री शिल्पा शेट्टीसँग पनि सोधपुछ गर्न सक्ने बताइएको छ ।
शिल्पा धेरैजसो व्यवसायमा राज कुन्द्राकी पार्टनर हुन् । यो व्यवसायमा पनि शिल्पा उनकी पार्टनर भएको हुन सक्ने आशंकामा अनुसन्धानको सुइ शिल्पातर्फ सोझिएको हो ।
मुम्बइ पुलिसले छिटै शिल्पालाई सोधपुछको लागि उपस्थित हुनको लागि कानुनी नोटिस पठाउने अनुमान गरिएको छ ।
पुलिसले मंगलबार राज कुन्द्रालाई अदालत पेश गरेको छ । पुलिसले राज कुन्द्राका साथी रयान थारपलाई पनि मुम्बइको नेरुल इलाकाबाट पक्राउ गरेको छ ।
क्राइम ब्रान्चको प्रोपर्टी सेलले एक अज्ञात व्यक्ति र मध्यपूर्वका एक पोर्न माफियाबीचका केही कल इन्टरसेप्ट गरेको छ ।
यी व्यक्ति अमेरिकी नागरिक हुन् । केही युवतीको बयान पनि लिइएको छ । युवतीहरुले आफूहरु अन्तर्राष्ट्रिय पोर्नोग्राफी गिरोहसँग फसेको बयान दिएका छन् ।
मुम्बइ पुलिसका कश्निर हेमन्त नागराले एक भारतीय अखबारलाई बताएअनुसार राज कुन्द्रा यस मामिलामा मुख्य योजनाकार हुन् र क्राइम ब्रान्चसँग उनीविरुद्ध ठोस प्रमाण छ ।
उनलाई गिरफ्तार गरेर सोधपुछ भइरहेको छ । पहिले क्राइम ब्रान्चको प्रोपर्टी सेलले अनुसन्धान गरिरहेको भन्दै सोधपुछका लागि बोलाइएका राज कुन्द्रालाई गिरफ्तार गरिसकेपछि मात्रै पोर्न भिडियोको मामिलाको खुलासा गरिएको थियो ।
यस मामिलामा अहिलेसम्म राज कुन्द्रासमेत ११ जनालाई गिरफ्तार गरिसकिएको छ । राज कुन्द्राविरुद्ध गएको फेब्रुअरीमा मुद्दा दर्ता गरिएको थियो ।
पुलिसका अनुसार उनले पोर्न उद्योगमा ८ देखि १० करोड लगानी गरेका छन् । राज कुन्द्रा र उनका बेलायतमा बस्ने भाइले मिलेर बेलायतमै केनरिन नामको कम्पनी बनाएका छन् ।
फिल्म भारतमा खिचेर केनरिन कम्पनीलाई पठाइएको पाइएको छ । राजले आफैं कम्पनी बनाएर भारतको साइबर कानुनबाट बच्नको लागि विदेशमा दर्ता गराएको पाइएको छ ।