वितेको २४ घण्टामा काठमाडौं उपत्यकामा झण्डै ७०० जनामा सङ्क्रमण पाइएको छ ।
स्वास्थ्य तथा जनसंख्या मन्त्रालयका सहप्रवक्ता डा समिरकुमार अधिकारीले प्रेस ब्रिफिङमा दिएको जानकारी अनुसार देशका विभिन्न जिल्लामा २ हजार ८३८ जनामा सङ्क्रमण पुष्टि हुँदा काठमाडौं उपत्यकाका तीन जिल्लामा ६९७ जनामा सङ्क्रण देखिएको छ ।
आज देखिएको सङ्क्रमितको सङ्ख्या हिजोको तुलनामा कम हो । हिजो (मङ्गलबार) काठमाडौं उपत्यकामा ७१९ जनामा सङ्क्रण पुष्टि भएको थियो ।
आज काठमाडौंमा ४९० जना, भक्तपुरमा ७९ र ललितपुरमा १२८ जनामा सङ्क्रमण पुष्टि भएको मन्त्रालयले जनाएको छ ।